金毛鼠有病呀!!!!!!點算呀???好驚呀!!!(急)

唔知幾時有呢個情況?又幾時同佢沖兩次涼?佢有冇甩毛?濕住既地方又會唔會係血水?因為冇提及有血同甩毛,暫當只係濕先,而鼠鼠濕住會好似少左d毛咁既,如果唔止濕既,煩請補充

A.patpat位於濕同污糟,可能係肚瀉or便秘,唔知佢既便便有冇異常?

檢查鼠鼠既便便你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林or硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做

如果係照返呢個方法去檢查之後係好林,你既鼠就係肚瀉,好多時新買既鼠都有呢個問題,鼠鼠去到一個陌生既環境,接觸陌生人,鼠鼠一感到壓力,就有機會誘發肚瀉,甩毛,濕尾症等問題,仲有可能係因為鼠店食既糧同你買既糧唔同,鼠鼠一時未慣轉糧,都會有肚瀉既可能

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠乾爽衛生
5)唔好俾風直接吹到鼠鼠,要鼠鼠保持溫暖,凍既時候可用鼠專用棉
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦

如果檢查完係太硬,又發現鼠籠既便便較少,就可能係便秘,便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)有第隻鼠一齊就要分籠,呢個情況好多菌,以免令第隻鼠都唔舒服(不過鼠鼠其實係獨居動物,分開住會好d)
4)保持個籠乾爽清潔
5)情況都冇改善(2日度啦),就必須睇獸醫處理
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

B.你講既金毛鼠應該係熊仔鼠吧?(因為而家有d人會叫杏倉做金毛鼠)其實熊仔鼠分男女唔難,好細個已經分到,一定要了解自己養既寵物係男定女既

你可以睇下佢排泄既位置,應該會有2個孔,分得遠d既就係男仔,相反近d既就係女仔.
而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女,不過有d俾毛遮住難睇d
而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸

C.而倉鼠係冇月經既,但有類似既陰道排血,正常唻講係一生得2,3次,每次得少少,多數在年老先發生,如果係女鼠而又有下體出血既問題,就有可能係子宮腫瘤
而男同女都有機會因內臟問題而有下體出血既情況(內出血)

2008-01-27 05:00:23 補充：
講漏左,除左檢查之外,唔好打擾鼠鼠咁多,咁可以減少鼠鼠既壓力,其實新買鼠頭兩天最好唔好打擾佢住既,到佢冇事,再俾佢靜返兩日先再慢慢同鼠鼠熟,方法可參考以下我回答既知識D點:http://hk.knowledge.yahoo.com/question/?qid=7008012500247如果想帶鼠鼠去鼠店問,最好問完再自行分析,因為鼠店職員未必好了解鼠鼠,加上鼠店始終係做生意既地方,如果佢唔知咩事,胡亂叫你買野就唔好啦,之前都有網友試過咁去問完買左d唔合用既藥

2008-01-28 03:07:42 補充：
唔方便公開email同msn,抱歉!有問題可以試下慢慢講,可以延長發問及補充

2008-01-28 14:26:48 補充：
咁即係佢既排泄物有冇異常?肚瀉因為多菌都易令鼠鼠有皮膚病,而皮膚病痕既時候鼠鼠會去抓去咬亦要留意有冇第隻鼠or有第d野整親鼠鼠要攪清楚你既鼠其實有咩事,始終唔太了解係肚爛,patpat濕之外仲有咩問題,可以留意返我正文講既資料其實講到肚爛,好似已經好嚴重,太少資料我亦好難去俾d咩建議,但嚴重問題最好都係可以睇醫生,鼠鼠有嚴重既問題,好易會死既買左一星期應該就唔退得,可以打去問下,但你退隻鼠同完全唔理隻鼠結果都係一樣,將佢俾返鼠店,鼠店只會將佢放埋一邊等死,希望你可以考慮下帶佢睇醫生啦,可以試下說服你爸爸,養寵物係要照顧寵物生老病死,同時亦可以訓練人有責任心

2008-01-29 01:59:07 補充：
紅蘿蔔有好多間,你可以去佢網頁睇:http://www.redcarrot.com.hk/但真係好希望你可以考慮下,送返去鼠店只係死路一條

帶佢去檢查。

不如你試下帶佢返去間寵物店度問下丫，
店員有可能會知道咩原因，
但最好都係帶佢去睇下獸醫。

珍惜所有生命，唔好等啦！