學日文1問(急20點)

我要考al讀唔到呀...
---> AL重要d, 你要先應付好, 日後搵工, 你只有日文, 我做咩要請你呢? 日本人來香港, 要請都請一個中英日都得的人, 只有日文無用, local大把日本人可以請

因為擔心去到日本跟唔上d課程
---> 日本人教法吾同, 一個字母都吾識, 都可以在日本讀到1級(約2年時間)

Q1.我好唔好先報讀普通課程...到10月再讀埋個同步課程??
--> 也可以, 事前準備當然好la

Q2.不過我擔心學既野會重覆呀???
--> 香港人教的課程是用 "大家的日本語", 注重文法多, 同步課程是用日本用書, 著重"會話", 死記多但實用(吾會有廣東話說明, 日本人教法只用演技), 各有各好, 當然會有重覆, 但教法吾同, 而且面對係日本人, 狂用日文同你傾計, 係吾錯, 迫你講好多野

Q3.如果課程內容係重覆既~~~有冇其他更好既課程介紹比我???
---> 你幾時過日本? 若快的話, 不如只讀香港人course, 直接去日本上埋以後的 (到日本要考試分班, 由老師決定你讀咩level)

P.S我想係2009年前考到第4級....
---> 就算你今日開始讀, 例如一週2hrs的course, 2009年能力試你可以應考, 夠資格, 2010年的3月可以取cert. 若你必要考2008年尾的能力試, 可考慮一週返3hrs的, 但好辛苦, 好多同學都好想快d考到, 報3hr, 但又無心機讀, 或無時間溫書, 兩頭吾到岸。 10月先讀同步, 會太遲

我讀過日經3個學期, 但未上過同步課程, 唔sure自己可否解答你:
首先要知道你打算將來去日本係升大學抑或只係想學好日文, 因為lee樣嘢好影响你嘅plan。
如果只係想讀好日文, 其實HK仲有其它日語學校都有集中課程, 如果日經嘅時間就唔啱, 唔一定要報日經, 同埋東京有好多日語學校, 其實唔一定要直升讀草苑or新宿日本語, 唔好貪一條龍貪方便! 要做吓research, 睇吓邊一間喺日本嘅日文學校適合。
如果打算升大學, 去到日本嘅曰文學校就會讀專for 外國人嘅大學準備課程, 除咗讀日文為主, 仲要讀埋math, citizen...., 而並非報讀一般日語4級-1級language course。同埋揀日語學校時要更小心, 再做多D research。例如日經有參予嘅日本語言學校, 據我所知讀完淑德之後, 大學收生嘅比例較高, 即係話如果考唔入大學, 到時要退而求其次去報讀短期大學or專門學校........
所以我覺得而家你最重要係define your goal first, and then find the best japanese language school.
仲有呢, 日語公開試係每年12月嘅第1個Sunday考嘅, only once a year, 4個grade 嘅exam on the same day but different time。 而4級係幾易, 易到好多人都費事去考, 索性讀到咁上下先至直接去考3級, 因為公開試係唔需要一級一級考, 就算直接去考1級都得。我曾經聽人講話一次報考3個grades (4, 3, 2 級) on the same day。又因4級比較易, 冇セ代表性, 所以就算4級passed, 去到日本嘅語言學校一樣要先做placement test編班。
最後我好肯定日經普通&同步嘅內容一定會重覆, 始終2個course都係for完全唔識日文嘅人由最基本嘅50音, 文法開始教。唔同嘅只會係課本, 教材, 功課多少, 深淺。

Q1.呢個問題好睇你自己, 睇你重視邊樣野。
本人認為，先考好a level. 咩都唔好諗
跟住 travel visa 去日本讀日文(同時搵間好既語言學校), 跟住轉 student visa。(記住一定要轉, 因為student 有好多好處)

Q2.咩明講咩重覆? 香港日經同日本課程?

個人意見:4級既level 真係好底。3個月去到好正常
但係去之前最好要熟晒50音
想打工就一定要去東京, 因為比較易搵, 人工高。

其實本人覺得打工對日語幫助唔大, 我係日本做便利店, 成日都係個幾句, 反而識多d日本人, 同佢地出去玩多d會仲好。 仲有最好住homestay

選學校其實可以自己上日本yahoo搵, 因為選擇會多d, 同香港人會少d。又唔便使便比手續費, 但係就要事事親為, 自己連繫學校, 唔識日文用英文應該都得。 我以前都係自己一手搞好。

2008-01-27 19:23:00 補充：
仲有, 考大學要考留學試, 一有幾會就去考下睇下拎個experience, 1年得2次，除左日本其他國家都有得考, 上網check下la ps 香港冇考場,但大陸, taiwan,ｋｏｒｅａ好似有

老實講,見你連埋呢條共post左兩條問題,都係想快d讀識日文去日本讀書用。

頭一條問題,你話今年四月到下年四月之內想考到一級試;而家呢個問題係2009前考到四級...我會覺得點解你set目標一set就相差得咁遠呢?

首先,你會唔會誤解左能力試的深淺級數呢?
或者我打多次,如下:
第四級:最最最易
第三級:開始難
第二級:難
第一級:最最最難

另外,我未讀過大學,但知道日本大學都會分甚麼系甚麼系的,你想讀甚麼系?
如果讀中日翻譯的話,中文都應該要好了不起吧?
純粹日文的話,如果你在沒有任何日文底子之下才自學三個月,之後就即刻去日本的話,你一定一定會很辛苦。
道地日本人講日文很快,雖然在學校可能會就住你講慢d...

你家境富裕嗎?就算家庭可以提供到錢讓你在那邊生活,供你讀書,但如果真的想日文好叻好叻,你最好去到那邊做pt time,融入那邊的生活,學甚麼都會快過人的!如果咁都嫌辛苦的話,個人認為不去日本讀書更好。

本來都有個課程較適合你,你可以日頭返中七那邊學校,夜晚去讀呢個日文課程基礎一,夜晚都只是用你一星期才兩晚的時間。原本好適合你,不過1月14日已經截了止...但你可試報基礎二,1月28日才截止,不過要考入學試呢...可能考你基本日文生字,簡單應用句子,如果你本身有d日文底子的話,這個入學試考得過。慳幾千又慳幾個月時間。
不過這是春季課程,夏季也會開學的,你可以看看自己能力,一讀就去到基礎二還是由低讀起?你要自己衡量。

http://www.scs.cuhk.edu.hk/scs/course/lang/jpn/ab/doc/081-321000-01?disp=ch



Q2,擔心學的東西重覆,首先語言正正是這樣,學的都是不斷翻讀,學語言並不是一朝一夕就成功的事,有排你學呀!!

2008-01-28 23:02:15 補充：
那我好有興趣知道那間日語學校究竟怎麼搞...四級那麼簡單都可以教足一年?會否是三級連四級共教一年呀?