人事部的 Reference Check

1) 某些公司決定請該員工前會做 reference check (尤其是大公司多數會做)，通常都會係寄信比以前公司的人事部，信中表明你已申請其公司職位，主要查問該員工任職時間，工資，工作表現(選擇題)，最後會問前僱主會否考慮再聘用該位員工。

2) 若該員工拒絕新公司審查，一定會影響受聘機會。若果你預左佢唔請，咁當然可以唔簽啦。

3) 一般來說，通常會問近期一兩間任職公司，太久以前是唔會問的。但這個當然要視乎個別公司做法。

有些前僱主未必一定會回覆新公司的查問。我公司試過有這樣的經驗，但最終都係請左個果人。所以 reference check 只是一個參考，最重要你面試及各方面都符合該公司要求，被取錄的機會相對亦會提高。

而家好多見工時填的職位申請表，
都會要求你簽名，
准許給你的新公司向你前度僱主查詢你的舊職情況，
即是你簽左名同意俾佢地ｃｈｅｃｋ，
佢地就有權去ｃｈｅｃｋ
如果你唔想俾新公司ｃｈｅｃｋ
你大可以唔簽名，
佢地就唔會ｃｈｅｃｋ
不過佢可能會問你原因，
間接會應響你受聘既機會

唔同公司有唔同既查詢程序，
一般情況係會當你受聘之後先會ｃｈｅｃｋ

不過，如果你係ｄ行頭窄既公司，
可以幾間公司既人事部　ｏｒ　高層本身都係相識既，
咁就會對你好不利．．．．
好似我有個朋友以前係某大地產公司做
因為佢同呀頭意見不合，
雖然佢都做到生意，
不過上司都唔鐘意佢，
最尾我朋友仲玩野先走人唔做．
之後佢出去搵返同行，
即使佢有３年經驗，
見左幾份大公司都冇回音．..
所以話山水有相逢，
如果唔係發左達　ｏｒ　全心換行，
否則都唔有同老闆玩野．．．

唔係所有公司都會做Reference Check ,通常大公司先會做。但如果做,都會係決定請之前做。

若該員工拒絕新公司番查,咁梗係有影響獲聘機會啦,無嘢怕乜比人查?僱主實會覺得有問題。

你可以試吓唔比果間或比果間另外一個經理嘅contact.

通常都會覺得你有機會先會查前僱主, 同時有些公司只是例行公事叫你簽定同意書, 簽左都未必一定查, (除非是超級大公司或超高職級) , 但唔簽就多數唔會考慮你, 咁你自己諗清楚簽唔簽啦.