✔ 最佳答案
泰旺佛店有兩間㗎喎,一間總店喺旺角先達廣場,一間分店喺旺角信和中心,分店個店主通常有兩個人,其中一個有啲光頭嘅係亞哥,另一個高高大大嘅係佢細佬,至於總店個店主通常係個女仕,係呢兩兄弟嘅母親.
光頭嗰個亞哥,細個時喺泰國做過和尚修行,所以對佛學佛理及佛牌有一定嘅研究,點解我咁清楚?因為我身上嘅佛牌,大部份都係喺信和中心間泰旺佛店供請嘅.
佢啲佛牌全部有來歷嘅,邊間寺廟,邊個龍婆(和尚)製造和開光,全部有資料,有些出名嘅更有雜誌書本記載,沒有一些來歷不明的假貨,至於貴唔貴,呢樣真係見仁見智喇,就算同一個[順笛]佛祖牌,第二間佛牌店鋪可能喺另一間廟另一個和尚製造嘅,價錢自然有平貴之分,可能你睇啱嘅多數都係靚嘢嚟呢,佢嗰度又唔一定只係賣貴嘢嘅,都有啲幾百蚊嘅佛牌㗎,你話比佢知你想供請乜嘢佛牌,目標係多少錢左右,佢會幫你揀,當然又要合你眼緣啦,其實如果你有誠意,又或者係熟客,係可以同佢講價嘅.
總括我嘅買佛牌經驗,我喺泰旺買過嘅咁多佛牌,大部份都唔過$1000,多數都係600至900左右,因為超過$1000我唔捨得,求佛牌只係為咗心靈有依靠啫,我覺得太貴係唔值嘅,所以泰旺佛店其實係可靠嘅,價錢可以商量,啲牌全部正廟製造,店主和善,你大可放心供請.
泰旺佛店仲有網址,你可以上網睇啱再問價錢都未遲!
網址:
http://www.thai-wong.com/