✔ 最佳答案
你響廣大讀開,仲讀到高中一先想轉校,想轉粵華(英)或者慈幼(英)都幾難.
因為你已經高一,佢地都係中五就中學畢業,如果讀完高一轉過去,最多只可以入到form 4(或者form 3),而且,中文轉英文,仲要轉比較好嘅學校,我惗我係校長我都唔敢收你插班(收少個學生冇乜所謂,萬一你程度唔夠,拉低學校整體成績就唔係咁好啦,”有教無類”係用黎講架咋,千祈唔好以為係真架).
廣大真係唔算太好,不過,既然已經讀到高一啦,咁就俾心機讀埋佢,讀好D,好到可以第一名成績畢業,再俾心機考大學,考個好嘅系,俾心機讀大學,到大學畢業,成績又好,學嘅嘢又吃香,就唔會有人理你響邊度中學畢業啦.
真係想轉,可以考慮下聖若瑟(中),粵華(中),海星等等,可能轉到嘅機會會大少少.
2008-01-31 14:31:14 補充:
如果比較粵華(英)同慈幼(英),粵華(英)學科比較強,考O-Level同埋A-Level成績比較好,慈幼就係工科強,學嘅嘢比較實用,有D似職中.
2008-01-31 14:33:18 補充:
兩間都係天主教學校,都係慈幼會嘅.