✔ 最佳答案
即係本身有隻男,再買多隻女,而家生左?見到有四隻鼠B就應該冇錯,但唔明點解唔知係唔係?
唔洗驚慢慢唻,唔係好易出錯,盡快將鼠爸拎走,再留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣
食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb
其實鼠鼠最好分籠,繁殖鼠鼠會有好多問題,希望你之後可以唔好 將鼠爸鼠媽再放埋一齊,就算同性別既鼠都最好唔好一齊,因為同唔同性別都易打交
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2008-01-26 11:37:43 補充：
唔止一隻男鼠,咁兩隻都要同鼠媽分開,邊隻係鼠爸都唔緊要,鼠爸同鼠b係唔會有感情,日後都一定要分開既其實你都見到佢地成日打交,不如考慮一下一籠一鼠,唔係打傷打死就好慘了,唔知佢地打交有冇受傷?就算冇受傷,受驚都有機會誘發甩毛,肚瀉等疾病,所以都要小心,打交受傷既詳細處理方法可參考以下我回答既知識B點,但如果鼠媽受傷,就唔可以處理住,唔係鼠b會有危險:
http://hk.knowledge.yahoo.com/question/?qid=7008010202592
2008-01-26 11:47:03 補充：
咁冇放返落去既話就可以了,同埋要留意返以上講既野,仲有唔記得講,而家天氣好凍,小心唔冷親鼠媽媽,可以俾鼠棉佢用,但記得唔好打擾到佢呢
2008-01-26 12:14:54 補充：
鼠鼠繁殖得好快,4,5日就發情一次,懷孕19-22日就生得BB,所以係好易好快就生,如果之後再放埋一齊,又會好易再好快懷孕年輕生BB對鼠媽媽身體會更傷,希望佢冇事啦,生過BB既鼠較易患子宮腫瘤,日後都要加倍留意佢既身體
2008-01-26 12:30:07 補充：
唔洗客氣^^大約7日大左右會開始出毛,鼠b成長階段可參考以下我回答既知識B點:
http://hk.knowledge.yahoo.com/question/?qid=7007103002430
