如何在演講時防止臉紅

面紅既原因係因為緊張
你要做既野反而係唔好係多人前講野會緊張

我以前中學考oral 前都有自己訓練過自己
方法就係由少人既地方開始, 自己準備好3分鐘既野講一次
我記得我第一次係自己準備好一個提目, 講三分鐘
講左幾次之後, 開始可以唔睇紙仔就講得曬
再過多一次兩次後, 拎住鏡自己係房度對自己講一次 (留意自己既表情)

之後, 係toilet 度對鏡講一次 (留意自己既動作同表情)

到左自己都覺得okay之後
我就企係門口, 打開門, 冇開鐡閘之下對住門口講一次
(出面冇人)
基本上做到呢一點而順暢既話, 已經大有進步嫁啦.

之後再係window 對出面好似傻仔咁講(呢個好有難度嫁)
最後就係係屋企人做緊自己野時對佢講一次
(我既經驗係我阿媽煮緊飯時, 走左入廚房同佢講:"依家唔駛理我", 之後就對住佢演講一次

如果你可以做到以上咁多樣野
基本上已經可以對人講野唔會太緊張嫁啦.

演講時面紅,
主要因為對自己冇信心,
或者自知準備不足,
所以會咁...

所以你可以做好預備功夫,
同自己講你係得嫁!,
或者,可以先對家人,同朋友講一次先,
到正真演講的時候,
就當得自己一個,
陶醉係自己的演講上,
專心致志,
慢慢你就會習慣嫁啦,
加油!

演講時會面紅係因為緊張,d血流得快,谷晒上個頭度
有d小動作只要你記住做足,就可以大大舒緩呢d緊張感覺,就冇咁易面紅
下面呢d小偏方係我以前選學生會上台辯論o個陣d前輩教我架,好有效!!

>首先要著夠衫,最好多衫到覺得有少少局
因為個人驚會容易d覺得凍,唔夠暖亦都會易d驚,著夠衫個人暖d就會定d
台上面比較空曠,所以可能比下面涼少少
總之寧願講o個陣熱到出汗,台下面都睇唔到
反而有少少涼加上驚,第一次上台對住咁多人好易講講下腳震仲樣衰!!
(o個陣有幾個內閣成員唔聽,同埋對手唔知呢d野,都有腳震震:p)

>盡量抬高少少個頭,只要唔好高到對眼各下瞄就得
抬高頭首先俾到自己一個我有信心gei假象,個人會定d
而且抬高頭條頸唔會責住,d血流通好d,就冇咁易谷起個頭度
另外面紅o個陣通常都會覺得對耳,甚至成個頭都好熱,抬高頭可以減輕呢d情況

>如果用咪講野請將咪貼住自己下巴
注意,唔係擺近,係貼住,長期貼住
因為就算擺得幾近都好,你一驚就會慢慢越放越低
睇得新手辯論多gei人都可能會發覺,間唔中d老師或者工作人員都會叫講者大聲d
甚至出手幫佢推高個咪,台下d人見到好核突
而且咁樣時大聲時細聲,講野會變到唔清唔楚,好冇說服力
俾人叫你做呢樣做o個樣你仲緊張
咪長期痴住下巴,冇左店住gei感覺你會知自己放低左枝咪,而且收音亦都清楚
唔好覺得自己講野太大聲,咁係因為你o係台上面
有時可能後面根本聽唔到你講乜
如果真係太大聲後台會幫你較,或者叫你唔洗咁大聲

>唔係拎咪隻手唔好放低,要放o係腰側面/肚前面(總之附近,自己擺下pos點擺靚d)
一黎你隻手唔會不自覺做d騎呢動作(真係會架....當你緊張,你自己都唔知)
二黎隻手掌會暖d,個人都定d
咁點解唔"橋"起一隻手呢?因為會壓住心口,吸氣冇咁順
相信大家都聽過發聲要夠氣,聲要夠深就要用丹田發聲
用手輕輕按住肚亦有同樣效果

>最後亦都係最基本,當然要做足功課
內容要事先準備好,再全部講幾次,最好對住人講
就算準備得幾好,唔實際講過幾次
到時上台都好易會窒,嚴重者會dead air,語無倫次
未講可能唔信,試過就知(我就係因為咁dead air左成十秒....=0=)

臉紅 係生理反應, 冇得避免
我個人心得係, 演講前飲杯水先

無得救
但係盡量放鬆
深呼吸
盡量唔好覺得有好多人