對那人有性幻想代表喜歡她嗎?(男生答)

有性幻想唔代表鐘意一個人
例如好多出名av女優,好多人當佢地係性幻想對象
有幾多人真係"鐘意"佢地?愛情o個種鐘意wor?
好多人話想同女優做,到真係有得做,你估佢敢唔敢?唔驚有病呀?

拍拖冇耐佢就成日對你有性幻想只係證明左一樣野:佢想同你上床
對唔住....可能你好愛佢,想俾佢
但係佢對你有冇性幻想同佢愛唔愛你係兩個層面gei問題,起碼對男人黎講係
大部分男人係可以將性同愛分開gei動物
佢想同你做愛唔一定代表佢愛你

所以,佢愛唔愛你唔係睇佢對你有冇性幻想,或者佢性幻想對象係邊個
而係佢平時點對你
如果佢可以持續地對你呵護備至,有愛心有耐性,並且唔多手四圍摸的話
佢就差唔多可以證明到佢對你gei愛喇

呢d唔係危言聳聽,我亦都冇話過佢唔好
因為我唔知佢平時對你好唔好,又係咪淨係想同你討論呢個話題
你所講gei樣野其實都冇辦法證明,亦都只係佢講出黎
o係網上面相信你可以隨便叫一位網友同你講同一番說話----佢甚至未見過你

另外我可以答你,男人唔係個個都一樣
有d人可以同三唔識七gei人上床,甚至唔止一對一gei性愛
一腳踏兩船gei例子周街都係,唔上男仔,好多女仔都係咁
所以佢係咩人,始終要你自己客觀分析下
因為你先至係對住佢,同佢上床gei人
一個情場騙子或者急於尋求性愛gei男人可以講任何野去tum你
有冇feel?樣貌身材?完全唔重要
佢係咪真係愛你呢?相信得佢本人先知,甚至佢自己都唔知
男人就係咁,搞完先算....

你想試佢的話,可以留意佢係咪成日都只係圍繞o係性方面gei話題?
對你講gei其他野會唔會表現得冇興趣?
同埋佢對你好唔好?唔係送野俾你就叫好
仲要識得保護你,令你開心,令你有安全感
送野俾你,d野要有心思,有驚喜,而唔係懶到叫你去一齊揀,睇arm邊樣買
一個愛你gei人唔洗你講,佢自己會咁做,因為佢想你開心,幸福
你叫到佢都唔做的話,咁佢就愛極你都有限
或者係自我中心主義,愛自己遠勝於愛你

仲有,一個識得愛人gei男性應該會識得尊重佢愛gei女性
唔o係公共場所對你上下其手你最基本gei尊重,(不論有冇人見到)
好多男性睇得多av就想試....呢d係一種侮辱,
純粹為左滿足自己吸收返黎gei不正確性觀念裡面gei快感
如果佢咁做或者曾經咁做,你可以話俾佢聽你希望佢尊重你,唔好咁做
佢一次又一次都唔聽你講的話,就證明佢心入面o係o個陣只有性,沒有你
即使做左d咩,佢都唔會負責任

如果你地真係發生關係gei時候,無論第一次好,第幾次都好
安全期又好,危險期都好,只要佢係一個負責任gei男人,係一個愛你gei男人
佢就應該戴安全套,無論用咩藉口都好,唔戴只係一種不負責任gei行為
而你若然想保護到自己,就應該拒絕進行呢一類性行為
戴安全套gei定義係指將男性生殖器官接觸到女性生殖器官前,已將安全套正確戴上
而非性行為進行到一半才戴或體外射精而「唔洗戴」
絕對唔係咁gei一回事

最後,要提醒你一點,於進行性行為當時,性交的兩方都必須年滿16歲或以上
否則會觸犯香港法例,而且好大罪,唔係「你唔講,我唔講,邊個知姐?」咁簡單

同唔同男朋友做愛係你自己做gei決定,請你事先考慮清楚
否則出左事冇人可以救到你

男生對女朋友有性幻想是完全正常. 如果佢對你無任何性幻想, 咁佢都好有問題.

關於做愛, 妳首先不要認為是壞事, 能與心愛的人做愛是一種享受, 當然, 如你覺得有問題, 應主動同解釋, 免生誤會.

男係性欲耐要方法比女士強, 所以如果佢地無相關對像, 咁咪睇AV自己黎或去叫雞, 作為解決性欲耐要.

記住, 拍拖時做愛, 必須帶condom, 這是最後防線!!!!!

男人對任何外表 OK (只要唔反感) 既女仔都可以是性幻想對象，
當然越靚或身材越吸引的，作為幻想的機會會越高。

既然佢係你男友，咁佢既係對你有好感，
女友應該係最親蜜既人，佢對你有幻想有何出奇，
佢對你冇幻想你先要驚！

當然你肯唔肯同佢一步係另一個問題，
但係佢對你有幻想係可以理解，係天性，值得睇諒。

一個真心鍾意你的人對你固然有幻想，
一個純粹只係想同你做的，也可以對你有幻想，
所以唔可以用對你有冇幻想來決定佢對你係唔係認真，或是只想做愛。

可能佢只係鍾意你外在美, 只覺得你好正