剛在買左隻兩個半月的狗回家佢病左,而家唔知點好

咁你係咪已经比獸醫睇過? 治療過? 如果好返就無事啦!
但你又話已經帶佢返pet shop, 咁pet shop有冇答應幫隻狗繼續睇獸醫? 如果有, 就等隻狗好番先至帶返屋企. 如果pet shop 冇答應, 咁你要睇隻狗病得係咪好嚴重, 如果係, 咁你就要忍心D, 唔好要隻狗喇! 免得如果隻狗X咗仲傷心!

如果隻狗真係X咗, 你要考慮要pet shop賠賞或退錢, 唔好接受換個另一隻! 其它的可能已傳染.
你知唔知好多無良嘅pet shop會幫D狗仔打興奮濟, 你買咗頭兩日就冇事, 跟住隻狗就出事架喇! 所以, 一般人唔識又無經驗就千祈唔好除便睇到隻狗得意又"平"就買. (勝利道同金鱼街就有呢Dpet shop).

真係鍾意養狗就要揾有養狗經驗既人幫手, 同埋揾有信譽嘅狗場呀!
係長氣D, 但希望幫到你

我唔知patshop係點,但覺得佢地唔會免費幫狗狗醫,妳快睇下隻狗有冇事如果冇事就帶佢返屋企,好惨架！有好多病自己醫到架,我有兩隻小牧羊旧年狗瘟+細小病毒(腸炎一種)都係高度接触性傳染病隨時會死,我都一樣醫返好,要識用藥,妳知佢有咩病就好醫,如妳家狗狗嘅病係腸炎~肺炎(抗生素+轉移因子+血清+干扰素)已經ok,記住係獸藥狗狗用嘅,千萬唔好用人藥,

我好明白你依家既心情, 因我隻狗狗4個月前都係腸炎, 不過佢依家好番啦!!! 我隻狗狗住左9日醫院, 起碼用了一萬元來醫他... 好彩醫得好, 因為醫生話100隻只有4-5隻可以醫好。 希望你隻狗狗都好好彩可能打勝啦!!! 你依家唯一可以做既係每日去睇佢, 因為主人既打氣係好重要嫁!!!!

2008-01-26 12:51:54 補充：
pet shop一定唔會將佢比醫生醫, 因為真係好貴.... 我隻狗之前要打血清同 釣鹽水.....

我覺得你應該去返你買個隻狗既店鋪問清楚 ..
因為可能呢間店鋪將有病既寵物賣比客人..
你可以問下醫生你隻狗仔係幾時有呢個病..
但係都有可能係你自己吾識照顧 ..
希望你快d搵出真相同你隻狗仔快d好返喇^,^

我答你唔到牙..
因為我依家既情況同你一樣...
我好驚間petshop唔知點醫佢...
希望狗狗會無事啦..
你隻狗狗係邊到買牙...?