假如你女朋友問你有無令一個女朋友.重問點証明你無.咁點做

如果我真係冇，我會同佢講冇，如果佢追問我點証明，我會帶點唔好老脾地說：「都話左冇咯！唔信就算！」跟住唔理佢。
有啲男仔會諗住用盡所有方法去証明，或最起碼好正經咁重申又重申真係只愛佢一個，跟住同佢海誓山盟一番，以為可以增強個女友嘅安全感，跟住就會冇事。但其實女仔係好奇怪嘅動物，就算佢真係百分之一百肯定你冇第二個，佢都可以對你冇信心，其實係佢對自己冇信心，今日你答左佢冇，佢又會諗你下個月可能會有呢！跟住過幾個禮拜又再問你，你答得幾多次？總之佢心裡面hold住呢條刺，你就有排煩。
就算你真係有辦法令佢對你有信心，都未必一定係好事，因為個女仔如太有安全感，段感情就會冇左嗰種帶少少患得患失嘅刺激，個女你可能會因為唔驚你會走，反過來覺得你唔夠衿貴，變得冇咁重視你，甚至令佢想試吓發展另一段新感情，尋求新刺激。
因此如果係我，我會如上述咁係咁二答左佢冇就算，等佢唔敢百分百肯定我真係冇，我用唔耐煩嘅態度去答佢，係想俾佢覺得我都唔係好緊張佢點諗，佢反而會因此諗到我會冇左佢都得，倒番轉會更加重視我，因為驚我會飛佢。
我會咁做，係因為我覺得個女友問得呢條問題，就即係証明佢鐘意我。如佢對我唔係咁鐘意，我唔信佢會想到問呢條問題。因為佢既然唔鐘意我，佢就會諗大家遲早都分手，佢唔會有興趣想知我有冇其他女友，更唔會要我諗辦法証明。
既然佢問得，即係真係鐘意我，我就有本錢去寸，咁樣就可以lead住佢；反而如我真係用盡辦法去証明，就係俾佢lead住。男仔要食得住個女友，lead住個女友嚟行，段感情先會長久。

最好的証明就是我的心,我一心一意的深愛妳,妳要相信我
因為我把妳當作我的永恆,我們會一生一世,傻豬別胡思亂
想,我是絕對沒有別的女朋友,因為除了妳我的心放唔到第
二個,再諗下,我有妳,一個如此美麗,善良的女友,我還需
要別得嗎?妳是我心中的女神,認是我請妳別不要我,女神!
I love you(再在她的耳邊說,後親吻她)
*之前最好買一樣她鍾意又ok貴重的禮物

1)如果你真的對得住你女朋友


大發脾氣,說:你既然說我有外遇,就是你不信我

你既是說我有另一個,那你就不要我吧,

我倒不如和你口中說的女朋友拍拖啦! \ _ /

我對得住天對得住地,你不信任我就罷了




2)如果你果然是有外遇


算吧啦,唔好搞咁多嘢.做人唔可以拖泥帶水,

總有一天你也得要有個了結,二選一,選啦.

選中邊個getout就決絕的分手

其實冇話點証明...你係冇第2個女朋友w0~
咁佢唔信你...
不如你問返佢有冇第2個男朋友啦~
佢點答你...咁你點答囉...
如果佢真係死都唔信你...
咁你唔好愛佢啦=.='' (會唔會過份左?)
2人相愛係要信任對方架
你自己問心無愧就得啦=]