NDS同PSP邊樣好玩?

睇你要部機黎做咩啦..
JUST打機就NDS
如果想多功能D就PSP..
PSP有得聽歌,睇戲,依家重可以用GPS
-----------------------------------------------------------------------------------
我兩部都有...
我覺得NDS D GAME好易玩爆..玩左一會兒已經覺得唔好玩
__________________________________________________
以下係`上網搵到既內容:
首先，希望大家可以放開懷抱對待兩部機，記住，你唔係幫老任、SONY打工，無必要
對佢地死忠亦無必要敵視任何一方，作為玩家只需了解邊部機俾到自己快樂已經足夠。


【主機美觀度】PSP：10分／NDS：5分
PSP外形時尚美觀，加上第一眼就望到佢個大芒，任何人見到都一定心動；相比之下
NDS外形似足一部字典機，雖然唔算好核突，但PSP予人既第一印象實在優勝太多。


【畫面華麗度】PSP：10分／NDS：6分
PSP個芒又大又16:9，NDS完全無得比。其實NDS雙螢幕有咁既大細已經唔差，但缺點
係可視角度非常低，坐你隔離果個根本睇唔到你玩乜，另外響陽光底下玩NDS，基本
上係完全睇唔到畫面(反光太嚴重)。不過，PSP既死／光點問題又比NDS嚴重極多，基
本上要買到一部完全無死／光點既PSP，真係要非常好手氣，另外根據大多數用家經
驗，PSP既死／光點會「自然、普遍地」於短時間內極速浦頭，個Q.C.真係差到......
如果非常介意死／光點，可自行扣除2分。


【聲音】PSP：7分／NDS：6分
其實平時玩遊戲的話，兩部機既聲音質素都係合格有餘，最低限度叫做有立體聲，
但一般而言PSP遊戲會比較「靚聲」和「大聲」。不過你打算用PSP聽MP3的話，最
好考慮清楚，同樣聽MP3，同樣用喇叭出聲，筆者部NOKIA 6230i(手提電話)都比PSP
靚聲。當然比起NDS總算係聊勝於無。如果追求靚聲的話，都係戴耳筒先玩啦！兩
部機個喇叭都唔係咩好貨色。


【操控】PSP：3分／NDS：9分
你無睇錯，我無講錯，PSP既操控手感只可以用「垃圾」唻形容！除左部機本身無NDS
咁好「渣」之外，佢個死人十字掣真係夠晒「十字」，基本上只可以順利感應到↑↓
←→四個方向，一用到「斜位」就感應不良，由此衍生一個極大問題....... 如果你玩賽

車、麻將、RPG之類唔需要按「斜位」既遊戲，個操控係OK，但一玩動作、格鬥、射
擊、足球等遊戲時，真係玩到無名火起！你可以想像玩高達時無法打斜走、玩格鬥時
「CHOK」唔到招、玩射擊時無得打斜飛、玩Winning時無得走斜線既凄絕慘況嗎？無
錯PSP另備Analog掣一粒，但果粒野既手感都唔好得去邊(位置太低)，仲要唔好忘記唔
係隻隻game都支援Analog。NDS響呢方面就優勝太多，佢個十字掣其實都唔算太好按
(比起GBA、GBASP而言係差左)，LR兩粒掣特別唔就手，不過點都唔會衰到「操控困
難」先，基本上玩乜遊戲都無大問題，另外要盛讚佢個Touch Screen，佢可以發揮比
滑鼠更加便利／直感既操控性，配合十字掣及咪高峰，可衍生出無限個具創意既遊戲。


【便攜及保養性】PSP：5分／NDS：7分
其實兩部機既體積都屬於「偏大」，筆者認為史上最佳大細既手提機仍然係GBASP，
入落衫／褲袋就行得，呢兩部野拎出街時要突登搵野袋住都幾煩！不過NDS既便攜及
保養性一定比PSP好，因為佢係「摺機」，基本上摺埋佢就可以放入袋，個機殼唔算
太易花，但係PSP就一定要另備機套／機袋，否則行街「鄧」兩「鄧」之後個芒一定
花到阿媽都唔認得，肉赤死。


【讀取時間】PSP：3-6分(視乎遊戲)／NDS：10分
大家拎得部機出街玩，多數都係為左搭車時「攝時間」吧？不過香港地咁細，你搭車
搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係
筆者非常重視既一點，呢方面NDS可以話係完美，由於佢係用「卡帶」作儲存媒介，
一般遊戲時根本無所謂Loading Time，只係間中有遊戲阻你兩、三秒儲存遊戲進度，玩
家可以將99.9%既時間放響玩遊戲方面。相比之下，PSP就顯得非常慘烈，由於佢係用
一種叫「UMD」既光碟作儲存媒介，基本上遊玩中途要不斷Load Load Load Load
Load...
好多時真係LOAD多過玩！情況比家用的PlayStation更為嚴重。如果你經常坐短途車，
絕對唔建議玩PSP，因為你LOAD到入標題畫面可能已經落車了！但當然每隻遊戲所須
既Loading時間都有分別，不過客觀唻睇普遍都係唔理想，入game時LOAD十幾秒係平常
事，每關之間再LOAD你十幾秒都係好正常，仲未計遊戲儲存進度時又額外俾多十幾秒
你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，
陣間買左好似WINNING咁既LOAD碟王，夠膽死LOAD你三、四十秒先開到波既真係喊
都無謂。當然PSP係有「邪道」方法大幅減低讀碟時間，但呢點就唔納入討論範圍了。


【遊戲外功能】PSP：6分／NDS：3分
PSP除左用唻玩遊戲之外，仲可以睇相、睇戲、聽MP3，筆者覺得當PSP係相簿咁用係
非常唔錯既選擇，因為佢個芒顯示能力真係好好(唔計死／光點的話)，而且夠晒大，
用唻當相簿做DISPLAY，同睇3R相無乜分別，抵讚！但係用唻睇戲、聽MP3就有些少
搵笨既感覺，先講睇戲，我諗香港地根本無幾多人會買價錢昂貴(比DVD更貴)、無中
文字幕既UMD影碟吧？大部份人只會將影片存放響記憶卡上播放，遺憾既係PSP只支
援MP4格式既影片，解像度仲要有限制，換言之9成9既影片響載入PSP之前，都要先
用個人電腦花大量時間「轉格式」，就算你部電腦幾快都好，一般「轉格式」所需既
時間都比段影片本身更長，攪一大輪先拎得出街睇，點解唔響屋企睇左佢算？至於聽
MP3，上文已經提過佢既喇叭音質連手提電話都比唔上，另插耳筒音質係會好好多，
但如果一心當PSP係MP3機用會唔會傻左少少？你打算將部PSP掛頸嗎？至於NDS就完
全唔支援多媒體功能(其實可另購PLAYYAN增加多媒體功能，但價錢太貴絕不化算)，
只係內置一個無聊既「繪圖CHATROOM」以及鬧鐘功能(呢個就幾實用)。

2008-01-25 21:10:58 補充：
唔好傻啦..psp未out嫁依家重出新版psp

我喜歡PSP好玩一些！

Nds is better than psp, because nds is much pretty and easy to handle than psp

我都係鐘意 NDS Lite多點.

我揀...我會要NDSL...
因為我覺得NDS D GAME好玩D 得意D..
而佢第日都可以上網.. 而家就可以上網對戰..見下文

任天堂在去年十一月已推出NDS的第一階段網絡服務--nintendo Wifi Connection，透過這服務，NDS玩家可以無線上方對戰。
隨著這服務的普及，任天堂將會在七月推出第二階段的NDS網絡服務--Nintendo DS Browser，透過nintendo WiFi Connection服務，除了可用NDS上網對戰外，將更可以上網灠網頁，更可利用Touch Screen手寫輸入漢字及網址等資料。這套軟件售價為3800日元。
隨著這款軟件登場，香港的NDS用家，除了可在戶外上網打機外，相信也可以在無線上網熱點上網了瀏覽網頁了!



仲有只要加多少少野一樣可以聽歌.睇片.. 見下網..

http://www.games-ona sia.com/product/play yan/production-playy an.htm


2 樣都可以上網DL GAME...但勸你唔好..

o甘 NDS lite同 NDS有咩分別 ???
分別在於部機既大細..ndsl細d 仲有個芒光d...仲光過psp
Psp is out!~~