唔該教下我化妝ah...急

其實如果你唔係日日化裝，經濟能力又唔高的話，唔好買d貴野，你會用唔晒，擺得耐左你又唔敢再用。去莎莎個類舖頭買拉。但記緊落裝好仲要，如果你冇落裝專用的洗面，就洗多兩次面拉，無謂專登買拉。如果可以買塊補濕面膜，每次化裝前用，皮膚質素好d，會上粉好多同自然好多。不過，如果你打算經常化裝，裝備就完全唔同拉。到時你再問過拉。
下面既步驟是減少了好多，主要是為你偶然一次化裝，同埋用最少的錢可以做到的化裝而設計。
首先做面部清潔，然後查面霜，即係cream 。跟住上粉，用粉餅（下面再教你點揀），可以摼番唔駛買濕粉同碎粉，劃眉（新手可用眉粉，較易用，取粉後，敲下佢，多餘的粉就會跌出來，咁就唔會咁深色），上眼影，上胭脂，上唇膏，而家興長睫毛，可用睫毛液，但如果想化清淡d，可免用。
粉餅的選擇。主要用手摸下佢d質地夠唔夠幼，滑，再查上手試下夾唔夾你膚色，如果你面的色比手的色白d，就買淺色小小的，如果深色d，買同級就得拉。唔好貪白，到時化到成個藝妓咁，又或者化到成塊發莓朱古力咁唔好問我。
你得16歲，又係新手，揀胭脂同眼影的顏色不宜太濃，但由於你皮膚黑，太粉的顏色會襯唔到，同樣試上手做比較。最好揀d一盒有幾種色過隻。眼影你暫時只宜查上眼蓋既眼簾，即雙眼皮個條線同眼節毛之間個位，用單色，等你掌握到色彩的配拾和手法技巧先用多色都未遲。眼影最常用的顏色有藍，紫，啡，綠，粉紅同白。眼影好多時都會襯衫的顏色。至於唇膏，同樣試落手度，呢個唔係最好的方法，但基於衛生的理由，只可以咁做。基本上同一支唇膏查上手同查上口係兩種顏色，你可以買d徧向粉紅的顏色，較少女，但你皮膚黑，出嚟的效果未必最好，但應該唔會太差。
平時出街日間，同去男友屋企都唔好化太濃，青春無敵，恨都恨唔來，太濃反而唔好睇。淡淡一層顏色已經好足夠，化裝要夠光，如果唔係好易會重手左，通常年紀大的人先會化濃裝出街。如果你係晚上出街，可以化濃d（即係用深d色），咁個裝先會出到嚟。
日間化裝最主要是個人睇落精神d，有光彩就夠。
最好事先自己先化幾次試裝，熟手左先正式化裝出街。

如一對一就$50,之後$50可換回產品(如產品合適).
如有兩人以上,就可以上免費美容班/化妝班(包產品).
地點:太子

有興趣可E-mail比我[email protected]