凡立水稀釋

如你只是如只是翻新的話，最簡單是直接油上乳膠漆就得啦, 可以唔需要油凡立水.
如想效果好ｄ就先用180號砂紙輕輕打磨, 之後再修補裂痕，便可以油乳膠漆啦．
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
1份凡立水加入1份松節水攪和, 即1 : 1 相同份量.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

油凡立水做底油，溝松節水的比例最好是1:1。但如果底灰不夠實淨，油面油時也會起泡或爆裂。
用沙紙磨走表面的舊油，就好似鐵柱磨成針一樣，祗要有恆心，都會有一日將D舊油磨走哂，如果磨走舊油的表面，那就快得多，之後油凡立水，再油面油，ok，可以。
我睇你都係一D鍾意DIY的人仕，唔多識批灰，又想翻新間屋，以上的做法也可以，但油面油時比較難遮，要油3次或以上先至靚，祝你好運。