如果在東涌開間北方面點小食舖？

視乎你想喺邊度搞，我喺富東返工，基本上我哋同事都寧願帶飯，因為成個邨先得兩間有位坐嘅食店，一間係大家樂，一間係富東酒樓，食店係不足的！但係呢度有好多都係綜緩家庭，出街食嘢嘅人其實唔多，靚仔通常食街市車仔面檔、成人就好多師奶，佢哋鍾意喺公園ｈｅａ或者去大家樂ｈｅａ成日，唔係好肯消費。假日時富東可以食埋東薈城嘅人流，因為兩地好近，相隔一條天橋，五分鐘唔使可以由東涌站去到富東邨。

總結：如果要搞，喺富東搞，因為呢度相對小啲０靚仔，多啲大人，消費力相對日東為佳。
得罪講句，呢區窮人為多，搞低檔次先有得做，高檔必死…
最後提提你，上年富東原本都有一間茶餐廳，但係早前結業…

﹝希望幫到你，亦歡迎你來發展，好讓我哋消費者多一個選擇﹞

主意唔錯,那裡人流不少,“自由行”也多北方人,在“他鄉遇故滋[味]”的心理下,肯定會光顧下。況且本地人也愛嚐異地風味。
問題在選址及訂價方面須要精細計算準確。若是自己一手包辦,應該有得諗。假如找合伙,認為先做好個底,擴張時再諗會更適宜。
希望你心想事成兼好運。