剛俾左訂,才發現間屋漏水,可以點啊?

你的買賣合約上應該會寫明，間屋將會在甚麼情況下交給你。通常會寫明有甚麼裝修傢電，如沒有特別東西包含在內的，都會寫「地產商原裝基本裝修」，即係話，地產商送的廚具、電器，還有正常的水、電供應。
你收樓前已發現漏水，可馬上通知對方維修，到時你收樓，每一part都要「驗屍咁驗」！到時試清楚還有沒有漏水情況！記住，多花時間都要check清楚！收了貨仲想追究就難了！還要check清楚每樣電器是否能正常操作，電制能否開著、窗門有無問題、冷氣抽氣扇全都要work。一有壞/爛，要對方馬上處理！又或者俾錢讓你更換！
律師樓會等你通知，話間屋無問題才過數予對方的！間屋一日還有問題未執好，千萬不要讓律師樓通數。否則跟住下來的維修費，就係由你負責。

梗係錯啦！在簽臨時買賣合約后，賣方是不可以有任何不同類型的工程，必須維持現狀，否則違反合約，你己俾訂，最好問你嘅律師樓！

你可以係收樓前幾日要求驗樓(買家有一次驗樓機會), 發現有漏水即時要求賣家係收樓前整反好, 要地產經紀做人証, 如果業主唔整, 就話俾佢聽你自己搵人整, 到時整好就實報實銷, 叫佢自己揀, 否則會去小額錢債審裁處告佢, 記得要佢簽紙作實, 地產經紀做人証, 通常佢都會俾的, 唔俾就叫地產經紀追佢, 因為地產經紀仲要問佢同你攞佣金的, 不過會很煩...
到左收樓後要check反吓佢有冇整到, 不過即使佢冇整, 佢亦有權收錢, 因為係佢收左錢先准律師放鎖匙俾你的律師再俾你的, 咁你話係咪佢收左錢先呀! 祝你好運!!

樓宇買賣, 是見到嘜就買嘜野, 都係打定輸數, 自己預留一筆執修費。漏水的事可大可小, 請水喉匠估計維修費, 再試下通過經紀同上手業主商議分攤費用, 不要期望過高

以我所知可以在未交吉前,經地產協議前業主維修或你可以大家協議佢比錢你維修(管理處報價或找其他有關維修公司),之後先交吉,佢唔整就叫律師樓唔好放數~
快d解決啦,無謂夜長夢多~