點解我隻倉鼠咁多大便?

係咪一籠一鼠?如果一隻鼠一日幾十粒便便,又真係好多,便便既質地係點?

A.好多便便有機會係肚瀉,除左鼠鼠專用既主糧之外有冇俾過咩俾鼠鼠食?
多時新買既鼠都有肚瀉問題,鼠鼠去到一個陌生既環境,接觸陌生人,鼠鼠一感到壓力,就有機會誘發肚瀉,甩毛,濕尾症等問題,仲有可能係因為鼠店食既糧同你買既糧唔同,鼠鼠一時未慣轉糧,都會有肚瀉既可能
仲要留意返每天都清理佢既便便雖然係好,但剛養一星期,每日都打擾鼠鼠受驚,受驚同樣易令鼠鼠感到壓力
而如果非一籠一鼠,亦易令鼠鼠有壓力

B.分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到

C.肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦.
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

D.鼠鼠買返唻既初時,應該頭兩日唔好打擾佢,而家除左同鼠鼠檢查身體之外,最好就唔好打擾鼠鼠,俾鼠鼠靜返兩日,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

2008-01-25 04:15:14 補充：
唔洗客氣,希望幫到你^^A.唔好只食星星糧,最好買一D一包多款既主糧而你買左一星期就轉過糧,鼠鼠未必會習慣,轉糧既話,可以混d新同舊既食下先,慢慢再完全取代B.便便質地冇異常就唔洗太擔心,可能一時未慣轉左糧,又在陌生地方,繼續留意返佢既便便有冇異而鼠鼠會用排泄物去表示地方係屬於佢,所以未慣既時會周圍去,而就算識用廁所,都會在訓覺地方排泄,但就會好D教鼠鼠用廁所可參考以下我回答既知識:http://hk.knowledge.yahoo.com/question/?qid=7007060700299