為何女仔會移情別戀?

2008-01-25 10:01 am

自問對她每天都全心全意,由同學和朋友關係,再到情侶,一起經歷了許多,雖然一年半的日子不算長,但真的視對方為終身對像,我願意為她慢慢付出改變自己,但不明白為何她可以一手破壞艱苦建立的感情呢?她好像整個人變了,連朋友的勸籲也不理會,好像已經色迷心竅,失去理智了......
她是個別人眼中的乖乖女,做出這種事真令人難以置信......難道女仔可以這麼容易變心,變得絕情,甚至連人格也犧牲嗎?女仔可以為感情而變得無知嗎?女仔是沒有耐性的嗎?
現在只當作自己睇錯人,事實上她外在不美,現在連內在美也失去,應否慶幸自己能夠脫身而出?

回答 (6)

用戶225886

2008-01-25 10:42 am

✔ 最佳答案

女仔真係一種話變就變既動物
仲係熱戀既時候你就係一切
但係一但時間耐咗,就會變貭
想把握好一個女仔
唔係只靠對個女仔好唔好
你仲要懂得如何令她感覺到你有安全感
e兩樣嘢都係女仔最需要既
唔好過份的為她付出
而係要懂得她需要的
先去付出
盲目的付出
不但得唔到好結果
可能仲會令她反感
千萬唔好

其實我好同意你既想法
因為我連自己對我自己都好無信心(i am a girl)
以前既我成日都覺得自己既男朋友唔夠好(i mean 安全感)
好想揾返個好d既
但係其實咁都係移情別戀既一個元素
而家我覺得就算真係比我揾到個完全符合我要求既男人
都未必會長久
最重要係大家係埋一齊開唔開心
合唔合,相処得好唔好
要既係大家都有感覺
如果個女仔真係唔再鐘意你
唔好去勉强
放松自己
有時候唔好將自己既一切都放係愛情上
多d放係屋企同朋友身上
你會揾到更加多自己需要既嘢

希望你可以揾到一個真心相愛
可以同你一生一世既女仔

參考: 自己既感受

👍 0 👎 0

健

2008-01-26 10:04 am

我識一個好純嘅女仔，結識一個好純嘅男仔，大家一齊一年多，個男仔對佢好好。兩人第二個情人節，男仔送花同禮物，一齊在酒店燭光晚餐，因為第二日大家都要返工，兩人住得又距離好遠，於是個女仔叫個男仔唔使送佢返屋企，個男仔因為習慣乜都聽個女仔講，結果就送左佢搭車，然後自己返屋企。
個女仔只係搭左兩個站就落車，因為佢有一個更重要嘅約會，同一個佢暗戀左好耐嘅男仔見面，結果兩人去左時鐘酒店，直至第二朝先走，個女仔呢一晚奉獻左佢嘅第一次俾呢個男仔。
個女仔係我現時嘅女朋友，我係故事裡第二個男仔。
點解個女仔要移情別戀？點解個現任男友對佢咁好，佢仲要喺情人節為左我而背叛佢？
答案好簡單：對女友全心全意唔係大晒架！我女友當日會變心，就係因為現任男友跟本比唔到佢開心：講野悶，平時生活過份簡單，只知每天早睡早起，維持他心目中的健康人生，還要求女友跟他這樣做，因為這才健康。其餘時間，一啲生活情趣都冇，如果唔係為左陪女友，平時戲都唔睇，歌都唔聽，淨係識講一啲只係男人先有興趣，如時事、電腦等話題。平時女友和他商量問題，佢會就晒個女友，但個女友而家係問緊你意見呀，個男仔只係識得好似好錫個女友咁，完全就住佢嚟講，自己以為咁表示對女友好好，但在個女仔立場，就一啲意見都聽唔到，一啲手都幫唔到。最慘係個男仔因為諗住自己對女友全心全意，乜都就晒佢，便以為自己好偉大，以為好似佢咁嘅男仔好難搵，個女友會好好珍惜，調番轉成日係女友面前宣揚自己點好點好，但個女友心入面就好氣苦：你到底知唔知我想要啲乜？
身邊好多人已猜個女仔會好快走人，但個男仔仲以為自己呢個男友做得好稱職。個女仔同我係好朋友，我本來唔想做第三者，但個女仔成日同我訴苦，我知道佢地遲早都散，於是我就問佢會唔會想試吓同我發展。
全心全意不是大晒架，一條心不是大晒架。你肯照顧她一生又如何？現今香港的女仔幾獨立，唔可以自己照顧自己咩(包括生活上同經濟上)？點解仲要搵另一半，係因為想要一個令到自己開心嘅人，先決條件係一個同自己啱KEY嘅人。你自問同你女友好啱KEY嗎？你地拍拖時，你能令佢因為你講嘅野而笑逐顏開嗎？到底你只係做到你自己心入面所諗嘅嗰種好男友形象嘅好男友，定係一個喺現時香港女仔普遍心入面所諗嗰種好男友，如只屬前者，你話為何女仔會移情別戀。

👍 0 👎 0