728 中國電信

真奇怪，點解入左之後先問前景？乜你決定入股前唔係睇好她的前景嗎？
跌少少就問點算咁奇怪？入市前你無部署架咩？難道你預期$5.98入左之後隻股就會只升不跌？如果$5.98入左真係只升不跌，咁點解$5.98賣貨俾你果個人唔自己揸住自己賺而要俾你賺？跌幾毫子就問可唔可以上返$6，難道到$6你就會放？
反問你一大堆問題好似好串咁！但下次你每買入一隻股之前，將這些問題套落你要買的股上，相信你下次就唔會再問D咁奇怪的問題！
講返你的問題，中電信前景就冇乜喇，要買前景你就買中移動同網通啦！買得中電信你都係純綷諗住短炒電信業重組的概念！$5.98訂10%即$5.38作止蝕位，呢個位剛好係星期二的低位，唔跌穿你都可以繼續hold，然後上望$6.5(唔係望$6...乜你買股唔係為賺錢而係為返家鄉？)，到$6.5再上望$7，$7再上望$7.5，每次到價就將止賺位推高$0.5，一定要嚴守止賺止蝕！呢個就係買股短炒的策略部署！

我上年七月入的, 那時我買才4元一股, 而家都有賺啦,大起大落几次我都無放, 對佢還是有點信心, 它雖然不是龍頭股,但好穩陣, 所以唔駛咁驚!

我想星期一就可升上.你不見這兩天上下都起碼有倆三角嗎.

我比d 正面d 既意見你啦。

我自己都有入728, 但係大跌市之後入既。
5.98 入其實略為貴dd。呢隻股 5-5.5 入最穩陣。
你其實都唔洗咁驚, 如果真係想上 6 既話應該冇難度丫, 今日同琴日都上過啦。
個人認為728 有機會上到 7 但要比d 耐性, 股票唔係話今日買聽日就有收成既。
我就一於等佢上到 6.8-7 先會放。

希望幫到你。