用咩方法可以知道自己女朋友鍾唔鍾意自己?

我認為可以有以下幾個方法：
1. 你地成左年未？如已成年，但未上過床，那最佳方法當然是邀她上床。如果佢推三推四，如話而家太快了，我唔想咁快去到嗰步；我係好傳統嘅女仔，呢啲野留番結婚先；乜你唔係真心鐘意我嘅咩？你咁樣我會以為你只係為左嗰樣野先追我等等之類，姑勿論佢講呢啲野同佢嘅性格、背景、作風幾吻合，都只係一個借口，可能連佢自己都唔知呢啲只係借口，因為而家嘅香港只要是成年人，就算真係傳統女仔，在社會風氣耳濡目染底下，已經對婚前性行為呢樣野諗得好開，只要個女仔真係鐘意現時嘅男友，尤其在拍拖的頭一個月，特別對呢段情有新鮮感，只要男友提出，都會半推半就咁應承，就算傳統女仔心理上會有掙扎，但情到濃時底下，都會做左先算。如拍拖後成個月，個新男友提出多次呢個要求，個女仔都唔應承，即係話個女仔唔係真係冧呢個男仔。
2. 在去完街散band時留意大家say goodbye時佢嘅舉指，如佢好冧呢個男友，一定會有一個佢自己都唔察覺嘅甜到漏嘅笑容，加埋眼神，真係唔關事嘅路人甲都會睇得出佢幾冧面前呢個男仔，佢仲會依依不捨唔會即刻走添！呢樣野喺拍拖初期幾個月尤期明顯。但如你女友say完bye bye後便馬上轉身離去，好似壯士咁不回頭一顧嘅話，佢鐘意你嘅程度就好有限。
3. 酒逢知己千杯少，話不投機半句多，如果大家唔啱傾，連做好朋友都維持唔耐啦！莫講話做情侶。所以你撫心自問，你同佢一齊大家係咪有好多共同話題，你唔駛好辛苦去發掘一啲佢會有興趣嘅野嚟講？如果你同佢一齊成日有dead air，大家都唔出聲，或你講一句，佢係咁二回應一句，你唔知搵乜野同佢講嘅，咁佢就算而家掛名係你女友，都係好勉強咁同你在一齊，肯定唔長久。
4. 你玩失蹤，唔主動搵佢，睇吓佢有幾主動搵你，如果你唔搵佢成個星期，佢又由得大家唔聯絡成個星期嘅！你應該心中有數。
愛情嘅野冇得勉強，如你查到佢真係其實唔係咁鐘意你，你就要有追過第二個嘅準備。個女仔對個男仔冇feel嘅話，就算個男仔出盡法寶，想改變自己去迎合女友，務求扭轉敗局，絕大多數情況都係徒勞無功，反而越踩越深，個女仔提出分手時(真係遲早架咋)，個男仔傷得更深。更慘嘅係會明明身邊有一個真係冧自己嘅女仔，由於自己仍執著於挽救現時段感情，造成同呢啲擺喺面前嘅機會失諸交臂，真係好唔值得。

情人節禮物必選:
灣仔國泰88商場2/F-S08舖
有好多得意又平o既情侶禮物!

Full House 戀意屋

http://hk.myblog.yahoo.com/fullhouse-168

http://hk.auctions.yahoo.com/hk/booth/harveytogi168

其實鐘唔鐘意感覺到的，如果懷疑對方係唔係愛你的話，其實唔係錦好，一份愛情其實要講個相字的！只要大家愛大家跟本上不需要問呢個問題！
希望可以幫到你啦!!!

自虐
睇下佢心唔心痛你
心痛既話証明你係佢心中有一定份量
無反應既對你做乜佢都唔會過問