如何設置5.1音箱?

你原本係點接駁2.1的?如果電腦只係2聲道聲效卡,你夾硬駁多幾隻喇叭落去只會出埋同一樣聲.變咗前後左右都有人聲,會好怪的.
電影的多聲道並唔係咁意思,其實係要6隻喇叭都唔同聲,去做一啲有方向,有位置的音效.例如飛機由後面飛出來,四周圍行雷閃電等.
你有兩種方法,一係買一張有數碼5.1光纖輸出的音效卡,再配一部有5.1解碼的擴音機,佢自然會有位接駁喇叭,一係就買一張有5.1解碼模擬輸出的音效卡,然後配一套用模擬輸入的5.1系統.兩者以前者的質素較好但後者價錢會較平.

2008-01-24 22:15:12 補充：
咁佢係光纖一條線輸出定係模擬7條線輸出呢?你係要配合對應的擴音系統的.光纖的話一定要靠擴音機解碼,聲音同步方面可以在擴音機輸入喇叭距離等佢幫你控制.同時亦可調較因距離不同而產生的音量大小分別.如果係有7個模擬輸出的音效卡,咁就要搵翻部有7個模擬輸入的擴音機,聲音控制就由電腦軟件做.冇錯同牌子的喇叭聲底近似,較容易匹配.

2008-01-24 22:18:28 補充：
你就咁插喇叭乜都唔較除非你擺位是在同一個圓周上,否則會有小小唔同步同大細聲問題解碼是一定要的,可以真接插喇叭的話代表解已經由電腦做咗.

2008-01-27 21:06:21 補充：
請問你是打算買哪一個型號?我看過Logitech的網頁,佢有啲型號規格寫得好清楚.你的選擇其實要因應你部電腦sound card的規格.我聽你回應似乎係有7聲道模擬輸出的,如果係咁你就要買翻有5.1聲道模擬輸入的型號.無線系統同有線系統接駁冇分別,只係用一個訊號發射器代替喇叭線吧.接駁方法好簡單,用同軸線跟喇叭位置接駁便可以,不用擔心7.1跟5.1不匹配,沒有了的兩聲道會自動混入左右後聲道.

2008-01-28 17:34:56 補充：
很高興可以幫到你