✔ 最佳答案
希望網友░☆♬"..*║巧＊瀅║*＊♬☆░可以尊重一下,唔好copy我既回答,我所有回答除提供必要既官方資料外,都係自己親自打出唻,,希望大家都可以尊重原創,謝!胡亂抄襲又有咩意思?唔尊重我都要尊重發問者同死去既鼠
抄襲既係以下既知識,而補充除第一句外,都係copy當中內容:
http://hk.knowledge.yahoo.com/question/?qid=7007110508161
A.身體僵硬,大多應該死了
其實鼠鼠死左未要留意鼠鼠有冇心跳同呼吸,你唔好掂佢,眼定定咁望住佢一分鐘or更耐,睇下有冇高低起伏,有就係未死,都可以再抱住鼠鼠感覺一下佢有冇郁,但咁好唔準,最好用眼去睇會好d
鼠鼠既心跳呼吸有時係好微弱,所以要定d去睇耐d
如果已經肯定左鼠鼠已經離開,十分抱歉,希望你可以唔好咁傷心
B.鼠鼠死既時候咬住木糠粒既話,並唔出奇
我都有鼠試過,因為鼠鼠死之前大多會出現掙扎,就算本來已經唔係好郁得,到,死之前都好易會有迴光返照既情況,掙扎既時候會將木糠整左入口,但鼠鼠會因辛苦or冇力等原因冇理會,咁就會形成死既時候咬住木糠
C.如果打算做DNA鍊,唔知係咪打算火化?
如果火化就要搵寵物善終再做DNA鍊,如果唔係就要保留體體,拎左整左DNA鍊再自行處理屍體,咁就要小心將屍體包好,再盡快拎左去做鍊先,記得唔好放去咁暖or潮瀉既地方,唔係好易好好臭or爛
如果有第隻鼠在同一地方,就一定要將屍體拎出唻,唔係第隻鼠可以會食左條屍,而且好多菌易令在生既鼠生病
D.鼠鼠死亡有以下事情需要留意:
1)切勿自行埋葬鼠屍到公園等地,因為自行安葬屍體,係違法既
2)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理
3)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常
4)當然,都要調節個人及身邊既人對鼠鼠死亡既悲傷心情
鼠鼠死基本上有三個處理方法:
1)掉落垃圾桶or垃圾房
我多數會用鼠鼠訓開既瞭望台加紙盒or紙盒裝住死去既鼠
加大量木糠在底,放上鼠屍,再加木糠及鼠糧,再用封箱膠紙封好個盒,再用袋袋好,再封住個袋,先直接掉去垃圾房or垃圾桶,最好盡快去到垃圾箱.
其實就咁掉左落垃圾桶我又唔覺得好慘,對寵物好唔好,最緊要係在生既時候,掉左佢佢都唔會有傷害,如果人死左可以咁掉左就算,我都想我死左係咁處理,當然個個人睇法唔同
2)交獸醫處理
資料來自環保署:
(
http://www.epd.gov.h k/epd/tc_chi/environ mentinhk/waste/prob_ solutions/ani_carcas s.html)
在睇獸醫時死亡,獸醫會代你處理屍體
目前大部份動物屍體均透過許可證方式在環境保護署轄下的堆填區處置，只有很少部份會火化。
如果動物係帶有病菌,就屬於醫療廢物,其實大部份處理方法都係同以上所講既一樣,但都有其他情況,如下:
a.熱能處理技術
b.另類及其他嶄新的處理技術
詳情可到我回答的知識度睇下:
http://hk.knowledge.yahoo.com/question/?qid=7007061904662
3)寵物善終服務
可以打電話俾一d寵物善終服務既公司,我未試過但睇過有關網頁,鼠鼠死左之後打電話去,等唔係好耐就會有人上門收屍,再跟據主人既意願去火化處理,再睇下骨灰係土葬or海葬or入骨灰盎等.詳細可以參考以下網頁
http://www.petsheaven.com.hk/index.htm
E.另外,唔知方唔方便講下鼠鼠點解離開?因為知道死因既話,日後再養就可能可以避免悲劇再發生,所以我一向好著緊鼠鼠既死因
2008-01-24 21:50:02 補充：
忘記參考資料度加,當中有部份亦有資料來自環保署,文中亦有提及:
http://www.epd.gov.h k/epd/tc_chi/environ mentinhk/waste/prob_ solutions/ani_carcas s.html
2008-01-24 23:51:16 補充：
偷養好多時都會有不幸既收場,如果再會養,不如試下同家人商量一下,咁對人對鼠都會好d,兩星期冇理過實在太耐了,同家人講好之後又可以對多D鼠鼠,成日唔理好似冇養咁,鼠鼠同自己都會唔開心不過我曾經因突然入院入過醫院,都冇理好耐,鼠鼠係冇事,主要有足夠既水同糧(我慣左一次放大量既糧),當時又唔算太凍(但同時凍死左隻龜),加上係一籠一鼠,當然唔建議咁做,養得就一定要時常照顧,我當時只係冇辦法,家人又怕鼠
2008-01-24 23:51:30 補充：
放暗角要留意返通風有冇問題,通風冇問題既話其實都可以既,但都要留意返個位置會唔會太凍or太熱唔知佢死狀係點既呢?呢兩個星期天氣的確幾凍,兩星期冇換棉又好易個棉濕左冷親鼠鼠(棉易吸左鼠既尿)而用緊鼠棉其實好正常,唔一定因為凍死而用棉,就算夏天俾鼠棉俾鼠鼠,鼠鼠都可能會用,因為鼠鼠喜歡用唻做窩
