有關101投資單

你好！其實101基金計劃都係有可取之處，因為101 o既意思係指大吉利是時係會101%比返你指定o既受益人，而銀行買基金係無受益人o既，純屬個人投資，真係發生乜事起上 o黎基金要凍結，要等到証明文件出晒，家人至可以動用到D基金，相對地煩好多，同埋始終都多1%呀，如條數大都幾多o架！
希望分享到俾你！

101 是一個中性的產品，好處在小額投資、轉換基金方便，當然要視乎那一隻計劃，因為有一些計劃的收費是很驚人的，當然要作「推介」、「做生意」的時候，有時收費未必會講得詳細，普遍綜合有 2 個缺點：
1. 有年期
2. 收費貴
有關更多的資料，請往以下網頁看，裡面有 d 資料會對閣下有幫助的 。

簡單d講就係..唔係個個人都buy 101呢種plan..
有某d保險公司o既101 plan比較起上黎真係遜色左d..
你可以比較下唔同o既公司...
間間公司o既101plan都係差唔多..但係都會有d分別..
基金係會有唔錯o既回報...
如果仲有d咩問題可以直接contact me..or post出黎大家一齊討論下...

客觀d嚟講，其實每份單都會適合唔同既人，最主要是賣單比你既sale 有冇講清楚呢份單的優點同缺點，同埋份單的優點你用唔用得著，缺點對你又有冇影响。由於呢種單的回佣超高，好多sale都唔會講得咁清楚（又或者連佢地都唔係咁清楚），同埋有d資料佢地係唔會話比個客聽。
101單係一份好長線的投資單，有合約限制，通常年期 (term) 會長逹15年或以上，佢有一個特點是可以起供滿頭18-24個月，申請暫停供款1次，為期2年，行內稱為premium holiday，過完premium holiday 要繼續供，直至張單的合約期屆滿為止。另外，如果你真係中途供唔掂，又或者真係唔想供要攞番d錢，佢地都會收足你全期（即係15年或以上）的年費，行政費及營費等。呢種單仲有一個特點是有1%保險成份，呢個保險係做比保險公司同基金公司，即係若然你在合約期內魂歸天國，張單咩無人供，保險公司同基金公司點算，咁呢1%保險就發輝作用拉，佢會代你供完張單，即係保險公司同基金公司照收錢。
好多 sale 都唔會咁講比你聽，佢地會好技巧地話
1 張單供完頭18-24 個月就唔駛供拉，可以攞番錢（因為呢類單你供滿1年個sale 先可以攞足全數回佣，過後你cut 單都唔會影响到佢）。
2 個基金會賺錢，會比一個賺5%同9%的預計表比你睇。但基金同股市有很密切的關係，股市會大跌，基金一樣會，但佢地唔會做個跌市的預計表比你睇。
3 佢地唔會話比你聽你中途斷單佢地會點同你計數 (surrender charge)，淨係話你賺到的錢都夠比有餘拉。
其實呢類單無保障你一定賺錢，連保本的保障都冇。年期超長，有誰可以肯定到15年內每月都有錢供。你敢肯定你15年都唔會經歷失業？突然要錢用？香港又再沙士，百業淍零？呢種單保險公司只係中介人，真正營運張單的是基金公司，就算保險公司的partner基金公司營運（即係 bb保險公司，bb基金公司），其實都係兩間唔同的公司，所以有兩重收費（保險公司要賺，基金公司要賺）。
如果你有朋友買左呢類單，你問佢借份保單 (policy) 全英文版個份，你就見到我講既呢d野，就算你問佢地攞簡介中文版個份，都可以睇到個概略，只不過對你冇利的資料，條文，會用超細字體，超淺色字印起度，仲要攞係d唔顯眼的位罝，只要你逐個字去睇，一定睇得到。
呢類單銀行都有得賣，所以如果你去銀行買月供基金而又唔想錯買了這類單，一定要講清楚係買純基金，唔包保險成份。

上一期"一周刊"有報導有關101保險計劃. 你可以click 入以下link參考.
http://news.g4team.c om/mag/view2.php?mag =NextMagazine&is sue=932&site=106 46595
投訴 : 誤導買長命單　客戶投訴反被咬
俗 稱 「 101 」 的 投 資 相 連 壽 險 計 劃 ， 近 年 在 香 港 大 行 其 道 ， 市 場 滲 透 率 接 近 三 成 ， 但 因 收 費 複 雜 ， 連 帶 投 訴 亦 節 節 上 升 。
有讀 者 經 美 國 萬 通 ， 購 買 一 份 十 年 期 的 101 計 劃 ， 供 款 三 年 後 ， 始 發 現 合 約 年 期 長 達三 十 年 ， 於 是 發 信 向 有 關 經 紀 查 詢 ， 但 竟 被 對 方 反 咬 ， 指 控 其 敲 詐 。
從 事 金 屬 製 品 的 李 先 生 ， 因 工 作 關 係 經 常 往 返 內 地 ， 其 保 險 事 宜 ， 一 直 交 由 相 識 數 十 載 ， 現 職 美 國 萬 通 保 險 從 業 員 的 黃 美 華 處 理 ， 「 我 以 前 同 一 間 廠 做 ， 好 好 朋 友 ， 十 幾 年 前 佢 轉 做 保 險 ， 就 將 部 分 單 轉 去 佢 公 司 ， 前 後 有 五 份 ， 仲 介 紹 唔 少 朋 友 幫 襯 佢 。 」 ....... click here to continue .
我多年前曾經參加過好多保險公司的講座 (因為當時想買有儲蓄成份的人壽保險), 遇上好多自稱是保險業資深推廣員, 他/她們都用好多方法說服參加者買有儲蓄或投資成份的保險 如: whole life / VUL....... 等等產品, 之後又希望我介紹其他親屬朋友參加下次講座. 如似類推......... 我認識好多家庭去星期日教堂會都遇到好多賣這裡保險的agents. 好多教會的家庭多年前都買了儲蓄保險而覺得後悔. 好似無底深潭, 越踏越深!
當年的我都是羊群心態, 人買我又買, 又希望可以儲蓄. 誤解每月只供款就可同自己儲蓄. Agents 只是簡略提過回報10幾% (其實只是估計數字, 引誘我買) . 買後我根本完全我都不知道自己的血汗錢供款保險公司是如何分配. 買了所謂分紅儲蓄人壽保險的客戶都希望藉此儲錢養老. 每月將血汗錢供款給保險公司. 但研究發現保險業派發的紅利給顧客連續地「有減無加」, 保險業「紅利息率」近年亦普遍大跌. 導致顧客年老退保時, 預期可得的紅利或較保險公司當初預計的大減. 好彩今天已經取消了那份儲蓄保險而改買 term life (無儲蓄成份) .

如果真是可以儲蓄到錢, 請問保險公司可否於保單內寫明 "每年可獲紅利利潤多少" 而不是寫 「每年可獲紅利僅屬預測、並無保證」. 可悲是普遍的消費者都不理會複雜的細則.