點先叫鍾意人????

除左愛,其實仲分別好感同喜歡
好感→鍾意→喜歡→愛

好感

任何一個人都可以，這只是發展感情的首要因素。你對他不需要十分認識，

他只是一個你不會討厭的人，可以成為朋友的人。沒事的時候可能不會想起他，

亦不會想到將來和他發展成怎樣的事情，失去了也不會有甚麼特別的感覺。

鐘意

可以好多個人，你會被他們某一部份吸引，可以發展成知己或是情人。

你會欣賞他某方面的才華或優點，就如鐘意任何一樣物品，

如洋娃娃，小飾物, 衣服等。你不會太常想起他，亦沒有一定想擁有他的念頭，

但會是個你鐘意和他傾談的人。假如失去了他，會有點可惜的感覺。

喜歡

只會得三數個，他們都能牽動你的情緒，不過卻不會對你造成太大的傷害。

你會十分欣賞這個人，會留意他的一舉一動，在乎他對你的感覺。

很多時候都會想起他，會想到他能否成為你的情人。若失去他，會感到幻得幻失，

有隱隱作痛的感覺。

愛

只會得一個，他能使你全心奉獻。而且，他的地位是任何人都不能取替的！

你的思想、行為、喜好都會受到他的影響，他的喜怒哀樂也等於你的喜怒哀樂。

每一分每一刻你都想與他一起，日思夜想的主角都是他，失去了他，

會傷心得肝腸寸斷，痛徹心脾，整個人就像只剩下一個軀殼。

希望幫到你啦~
喜歡

可能只係你對佢既傾慕....只係有時上見下佢
但係吾開心Or開心,,第1時間唸起既都吾係佢
佢只係第2位...(=
如果佢拒絕你,,*你會感到一種奇怪既感覺*
就係你吾會想哭*好快就會唔記得佢
可以做番朋友(=

愛
係你每日每小時什至每秒都想佢係你身邊
你好想佢所有野都可以同你傾
你吾開心or開心...你第一時間都會唸起佢
咩都係想同佢講(=而佢講1句哄你既說話
你以經覺得咩都足夠Lu*
如果佢拒絕你(=你可以hurt好來
什至一直都忘記吾到*
如果佢想同你做Fd,,你會覺得接受吾到
又可能會好避開

-----------愛-----------
用感覺去知道它的存在!! 如果有愛的存在, 你是會感覺到的!!
世界不可以沒有愛, 愛是永不止息的.

愛的定義:
愛是恆久忍耐，又有恩慈；
愛是不嫉妒；愛是不自誇，不張狂，
不做害羞的事，
不求自己的益處，不輕易發怒，
不計算人的惡，不喜歡不義，只喜歡真理；
凡事包容，凡事相信，
凡事盼望，凡事忍耐。
愛是永不止息。
是廣義的愛, 無私的愛

愛一個人，自然得接受他的全部，好的壞的不應有別。忍
耐也是必要的，因為世上並沒有兩個「我」，所以跟另一
個個體相處時必會有意見不合或磨擦的時候，這時候雙方
都得作出若干適應、讓步和忍耐，但沒有一個人能「恆久」
地忍讓下去的，當一段關係之中只得單方面作出適應和忍
讓，這跟將那個人徹底改造有何分別？再者，徹底改變後
的他便不再是他，那當初又何必偏要選擇他?

忍耐是有限度的，任何違反自然或個人意願的事情都會形
成壓力，而壓力長久地堆積下去會使人因受不住而崩潰或
放棄。

喜歡同鍾意分別不大, 喜歡係書面語, 鍾意係廣東話(口語), 國語人不會講鍾意.
而愛同前兩者就有好大分別.
喜歡(鍾意) 係對某人或事有好感, 因為某人(事)可以俾到你開心既感覺. 係好簡單好直接既野.
愛 係比較深層次既感情, 人既思想好複雜, 基本上愛係冇得解釋. 你只能夠用心去感受.
愛一個人係一件快樂而又痛苦既事, 呢樣野好睇個人.

如果要寫愛, 真係成本書都寫唔完, 我唔想搞到你咁混亂. 簡單黎講愛都有兩面性:
1. 愛係為對方無私奉獻, 付出, 令對方得到幸福, 歡愉...
2. 愛係佔有, 傷害, 摧毀, 令對方得到無盡痛苦...

完全視乎你點去選擇...

暗戀的表現
1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想佢送你返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會去睇）
12. 個個都可以睇你張身份證，除左佢之外
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水味，會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應"
48. 想知佢鍾意邊一類型既女仔
49. 佢做任何衰野都會幫佢搵藉口
50. 用佢張相做電腦WALLPAPER
51. 不論內容係乜，SAVE晒佢俾你既SMS
52. 做垃圾婆，總之任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下佢隻手大過你隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女friend俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先；若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 如果你一路睇/聽呢段野一路諗起一個人既時候…啊~你鍾意左佢﹗



小動作睇得出

1.佢會特登同你鬧交、激你.............
2.佢會成日問你借野......
3.佢會成日係你身邊出現......
4.佢會係你同人傾緊野時，又講埋一份......
5.你對佢笑，佢會避開你既眼神或臉紅......
6.佢會經常問你有無鐘意人......
7.佢會係你面前扮可愛、扮型、扮勁.....
8.佢會模仿你.......
9.佢會成日偷望你，但佢一旦比你發現，佢就會扮不是望著你.......
10.佢會好關心關於你既野！
11.佢會搵好多話題同你談天.....
12.佢會講好多野逗你開心......

1':你中意一個人既時候會成日諗
你同佢一齊既開心事..

2:成日諗佢同你示愛/你同佢示愛..而佢又應誠

3:成日好想係佢側邊行過同埋做一d好想令佢會望你既動作

算, 不過只是puppy love

係啦

大部分人鍾意左個女仔,都會諗住佢

(例如諗住佢做緊咩,開唔開心等等......)

鍾意就鍾意,冇咩點解。