有關租盤問題! [急]

套房既意思係一個單位間開幾間有獨立廁所和廚房位既房。
租唔係套房有租無獨立廁所和廚房位既房,會無咁方便,不過平D。
又或租完整一個單位,當然最好同貴D。

一般簽一年死約加一年生約。先交兩個月按金一個月上期,半個月地產代理佣金,半份厘費同如果租完整一個單位,水電煤通常會轉你名,咁要陴水電煤按金。

平均租價視乎間屋大細、地點、環境而定。深水埗租套房一般三仟至伍仟左右,旺角租完整一個單位陸仟幾至玖仟幾左右,當然還會有些平D或貴些的,視乎你心水合唔合住。

2008-01-26 00:58:15 補充：
套房即係1個屋間開唔同既房分租呀。不過同板間房既分別係套房通常係磚間到頂,房裏面加咗獨立廁所和廚房位,無須同其它租客共用廁所和廚房,還有房門口有獨立大門或鐵鉀,所以有D似(係似,但唔係)一個獨立完整既細單位。多數係唐樓或舊樓既大單位間開改裝而成。多數一個單位間三至五個套房,雖然係一個屋好多人一齊住,不過各有各分開住,就水電錶都分開既多數。深水埗就有好多呢D套房,好處係經濟得黎都有獨立空間,當然不及真係租一個獨立完整單位好啦!一分錢一分貨呀!