學日文邊道好呀!!ｐａｓｏｎａ vs. 日協

其實相信喺HK讀緊或讀過日文嘅人應該都會認同Pasona及日協在香港都係其中最top嘅日文學校, 好難會有人可以幫你排名, 只可以話兩間都好好, 如果肯認真用心學, 喺lee兩間學校嘅其中任何一間讀, 都會學得好好。

如果你要認真揀, 我估你應該首先親身到lee兩間學校:
1. 視察學校, 班房, 配套(projector, CD player, TV....等活動教材), 例:我以前讀日經, 成日都有video睇, 但係Pasona就無video, 不過堂堂都播CD, 做listening exercise。Pasona嘅枱凳係圍圈坐, 方便上堂互問互答練習會話, 但有好多學校就一行一行坐, 好死板。
2. 查詢教學課本, 例: Pasona用'新文化日本語', 我個人好鍾意, 因為課本好多圖, 好colorful, 無咁死板, 又易明。課本以外再兼夾跟埋一份學校自製勁厚嘅exercise book。但係有些人可能覺得另一類課本例如'大家的日本語'雖然冇咁多圖, 但係啲文法密集啲, 可以學得快啲
3. 查詢每班人數多少, 及教師資料, 例: Pasona每班max.18人, 老師一定係日本人。lee樣對有些人係優點, 始終native 日本人發音實準, 但係對有些人可能係缺點, 因為最初一啲日文都唔識, 而日本人老師好可能英文都係有限公司, 分分鐘鷄同鴨講, 上堂唔明老師教セ。
4. 查閱time table 及價錢, 例: Pasona啲班係勁快full, 學費唔平, 但係每學期都一定要分開3期交錢, 你想一次過俾都唔得嘅, 我覺得幾K形。
5. 仲可以問吓學校有冇一啲特別嘅regulations, 例:Pasona讀每一級都要test合格先至可以下一個學期升級, 另外學校明文規定, 每一個grade, test result 最top嘅18個同學可以比其宅人早2日優先報下一個學期喜愛嘅時段上堂, 所以喺Pasona並非完全公平地先到先得地報名, 而係優質學生有優先特權呀!

最後就係將所有客觀因素分析吓, 睇吓邊間適合自己, 再做決定。 最後一樣就係睇吓你好唔好彩, 遇唔遇到啲好有heart嘅老師, 有時有啲人入一啲好一般嘅學校讀, 但係遇着個好好嘅老師, 咁佢好自然就會同人講嗰間學校好好, 而事實上嗰間學校可能未必咁好。That's why 你問N個人, 就會有N個意見。

你既然咁有心去學日文, 又已經問咗好多人嘅意見, 係時候親身去睇去judge, 好過再問comments啦。

你其實可以自己買的書來學都好易, 因為日文發音唔難, 如果你學識左日文的五十音之後, 基本上見到的日文字你都會識讀, 跟住你可以學下的生字呀, 短句呀咁, .最緊要係成日都聽住, 如有mp3機就save落部機度日日聽住, 咁其實都學快會學好.

以我經驗, 我試過去大書局買的書去學, 不過論價錢同品種就冇博學坊咁多同咁平, 你可以去呢個網址睇下., 佢入面的書大約三十元到, 全部有mp3碟跟埋, 唔洗自已去揾. 仲會免費郵寄, 都好方便.

其實就算係出面比錢學緊, 都要買的書來聽下, 咁就好快上口同學好!

www.BooknShop.com

以前學日文時同一時間讀過兩間
每星期4晚﹐兩晚返日本語講座﹐兩晚返Pasona
日協較注重文法﹐每班人數多﹐沒有甚麼機會練會話﹐學期試不合格會不能昇班。
Pasona較注重會話﹐每班人數多﹐較多機會練會話﹐但文法方面未必會解釋得那麼詳細﹐學期試不會那麼嚴格。
兩間是各有好處﹐最好是返兩間文法會話兼備。