產前檢查一問

我生ｂｂ　ｏ個陣都係兩者都有去．政府醫院的產前檢查比較求其，問多兩句都好似唔耐煩咁．同埋只會照一次超聲波，又唔會話你知係男定女．私人醫生就好好多（因為收費貴嘛）通常６個月前都係兩個月度ｃｈｅｃｋ一次，每次會照超聲波，又會問你想唔想知男仔定女仔．到７個月至臨生前就一個月覆一次診．仲會幫你睇下夠唔夠胎水，有無兔唇，ｂｂ心臟有無問題．．．．
我ｏ個時就ｏ係旺角中心做私家產檢，係女醫生，幾好人，比埋葉酸你，你只需打電話去預約就ｏｋ．
佢呢度係照４ｄ，所以收費會貴ｄ，大約＄６００一次（０７年睇，唔知而家有無加價），你可以打電話去問下，不過如果約左時間睇就千祈唔好遲到，因為ｏ個度好多人睇又睇得耐，遲左會有排等．
L&M Medical Centre, tel:2787 3830　有２個醫生，我睇巫少慈醫生

好多孕婦都係兩邊做產檢, 我都係, 因為政府無私家咁仔細同好耐才同你照一次, 但如果你打算政府醫院生就一定要睇政府, 佢會將你的產檢紀錄file好, 你生時就醫生就會好清楚你情況.

現在你己登記政府咪照政府比你的時間表照去做檢查, 私家就頭個幾個月都係一個月睇一次, 咪就可以同政府果邊夾下時間, 因為初頭都係一個月至六星期睇一次, 你可以計下如果1號睇政府, 咁二至三星期後左右就睇私家, 之後二至三星期左右又到政府, 咁你就會時常可以check住自己身體情況啦.

私家介紹, 你住香港定九龍? 最好搵番同一邊, 因為最後果個月你要覆得好密, 又陀住咁大個肚, 近d點都好d.