因戀愛問題會考得4分，再讀書應該讀咩好？

建議你重讀夜校中5, 或中4及5, 然後再讀上去, 好過報ive

原因:

1) 好多同學仔讀咗文憑之後走去揾工, 點知發現啲老闆好鍾意睇返會考成績來評定佢地掂唔掂, 若然學考考得樣衰, 照樣唔請!

2) 會考冇5分, 即使取得ive文憑, 政府好多職位都照樣唔考慮。

3) ive 文憑及高級文憑都唔會幫你打好英文底(課程設計唔谷英文), 如果你英文未達D級(對比返宜家的會考好似係第3星), 日後即使讀完個ive高級文憑, 都好難應付工商管理的學位課程(本地認可院校), 但如果你將來讀的是理科, 如: 物理, 機器工程, 電腦, 統計之類, 咁英文E級水平或者會緊緊夠應付得來.

戀愛可以遲啲先, 記住專心讀書, 因為响香港要建立美好家庭要好多錢, 有啲人話兩口子儲了25萬都好似唔夠結婚用, 但生養小孩子就需要更多錢, 如果你太早因為戀愛而失去學習機會, 即使戀愛成功, 日後要揾錢維持家庭都好難捱架!

不過, 如果你可以讀書及戀愛兩兼顧的話, 就最好啦, 雖然我已經幾十歳人, 但一樣會明白你們年青人需要愛情滋潤, 十七年前我因為要讀好書放棄咗我一生中最愛的人, 我都好後悔架! 所以重點係平衡. 如果你的男/女朋友可以同你互相激勵學習, 咁就最好啦!

重考會考la ,

不要讀 ive , 垃圾 , 真的 ,
ive 只不過係俾你用來浪費時間 ,
o吾想出來社會工作的一個避難處 ,

點解我會咁講?
因為 d 大公司根本o吾丞認 ive ,
我 F.7 畢業 , 成績只係剛剛 pass , 讀完書做過兩間銀行 ,
新同事有d係讀完 ive 出來 , 只當做中五學歷 ,
做同一個層位 , 年紀大我2年 , 大家都冇做銀行o既經驗 ,
偏偏我高職位 , 高人工過佢 ,
點解 ? 因為大機構o吾當 ive 係咩證書囉!!!

我當年有考慮過讀副學仕 ,
但係發現只有頭兩名先可入大學 ,
所以我都冇讀到 ,

你寧願重讀中五 , 起碼有張 cert 先丫 ,
讀完中五之後 , 就算o吾再讀上去都o吾緊要 ,
你可以搵工先 , 搵一份自己認為可長遠發展o既工 ,
再用公司o既資助 , 去讀番該行業需要的知識,證書 ,
一來又可減輕屋企負擔 ,
二來 , o吾駛讀左又用o吾著 ,
而家有幾多大學生係讀完某一個專業學系之後 , 係真係做番o個行丫 ,

我好多朋友讀完 ive , 咪又係做 sales ,
咁同o吾讀中五出o黎打工又有咩分別?
連中五學歷都冇o既朋友 , 而家只可以做接待員 , sales , $4500 - $6000 個月 ,
讀完中五 , 是但搵份文員做 , $7000 - $9000 ,
又或者讀完中五做銀行 , $9000 - $11500 (剛畢業冇銀行經驗計)
我畢業到而家做左4年銀行 , 而家人工已經 $14000 ,
福利好 , 又多假 , 又o吾駛買保險 ,

咁你想將來做邊樣丫?

冇錯啦....如果你上o左中學已經考得唔係咁好, 咁你個根基可能打得唔好, 再讀2年去考會考都未必追到, 因為中一至中三可能都有d 野未明白, 2年點讀得完5年ge野去考試呢?
ive 有d 野係實用d, 同埋讀上去都有機會入大學ga, 俾心機啦~

視乎你個人的目標，如果有志入大學，建議你下年重考會考，可自修或搵夜校等。若無志入大學，相信ｉｖｅ亦是另一個選擇，以你既分數應該入到。

如果你想讀返ｄ成績，個人來講，絕對建議你重考。不過，還要考慮你的英文能力，若是咩都唔識，就真係要三思也。除非你意志好大，才可一試。

你應該讀ive,因為ive都算係中五程度,係只要俾心機,你一定得嘅