華明去開源道駱駝漆大廈(急)

如果o係華明上車點解唔搭 277X ？277X 行大老山隧道，加上班次多，應該會快過 70X。
同70X 同車站，去程「創紀之城」落車，一直向前行見到行人天橋過　ａｐｍ　就上去過馬路，過左ａｐｍ後落地下，出到觀塘道後轉右，一直向前行轉入開源道，第一個燈位向轉左過對面馬路，就係「駱駝漆大廈」，全程步行１０－１５分鐘。
回程行番去ａｐｍ地下巴士站，就可以搭　277X / 70X。
兩線價錢一樣，$13，同日回程九五折。

其實我最建議你搭地鐵到觀塘地鐵站B出口出

如果搭70X，可於創紀之城落車，行番去APM，通入觀塘地鐵站B出口，左手邊樓梯落到地下直行，大約行5分鐘便可以到駱駝漆大廈。

回程，上去地鐵站，行入APM，好出名個間水晶店隔離有條電梯落吉之島。落左一層電梯會見有個門口出去。出門口向左行，大約行10分鐘便會見到你個站(美亞工業大廈外)。沿途有好多巴士站，你望望吧！