how to turn on GUNDAM?

嗱，想turn on部高達其實好簡單，一般黎講會分做三部曲去記，甘會方便的。

首先，第一部曲當然要著上好保護衣或者太空衣先啦，一定要戴好頭盔，然之後行去升降台，打開高達既艙門，再跳入去駕駛室入面，又或者係無重狀態下飛入去，坐穩之後，綁上安全帶，如果無事既話就可以閊埋個艙門。

跟著第二部曲好重要，每個步驟都要小心的，第一步首先當然要先開著個總制啦，跟著部主電腦就會著左先，然後就會出現的國旗呀，高達名之類既野，跟著部主機多數會問你個全名呀，官階呀，密碼呀之類既無聊野，你答左之後其他零件都會陸續甘著，（未來多數用聲紋辨認系統），你可以趁依段時間check下其他零件work唔work，當發現全部零件都ok喇甘就完成第二步驟。

最後第三部曲當所有野都準備妥當之後，就先要同同通訊員down聲先，「咩咩GUNDAM，準備出發喇。」之後通訊員會講一堆門面野，你大可以唔洗理，跟著部高達就會送到彈射跑道，過多一陣，當螢光幕出現出現三個Clear既英文字，係依段時候，你通常都會會好嚴肅甘大喝一句「咩咩GUNDAM，依家出擊。」，係同一時間，將右手邊既操控桿推到最盡，如無意外，高達既推進引擎就會開始啟動，跟著就會係戰艦彈出黎架喇。照我統計，十部高達有九部都係用上述既turn on方式，不過，都有一部係例外，果部就係G高達喇。