賣左層樓, 未收得番管理費按金, 點算?

有關雜費對數係可以係成交後21日內完成, 唔係要係成交當日比晒架, 如果個買家真係咁無懶唔比, 你都係只可以出律師信告佢或去小額錢債告佢, 如果小額錢債判你勝訴, 個買家都唔肯比錢, 咁你仲要再告佢破產迫佢還錢, 你又要比錢攪一大輪, 分分鐘仲使得多錢過佢欠你個筆, 又要花時間上庭, 其實都幾麻煩架。

你搵果間律師行賣樓時佢係有義務幫你做埋，一定唔會等完成交易後才同你收，無咁既一回事，所有關於錢銀上既野一定係喺交吉果日由雙方律師完成完成，依家佢(你個律師)又將責任推去買家律師到，買家律師又推去買家到，我建議你同自己律師傾傾，直接同佢講，佢收左你費用就一定要同你跟埋，因為佢地疏忽處理按金呢回事，再傾唔掂你就同佢講，"你再唔處理我就出信到大律師公會投訢" 因為你個律師自己已違返左專業操守，因為合約法講到明你買樓係一手交錢一手交樓(簡單左少少),如果收唔足錢你律師冇可能叫你上去簽字，記住出信得嫁啦，!