✔ 最佳答案
我以前同過一個大我11年ge補習老師拍過拖, 唔係私人補習, 係一個補習班黎ge~ 所以佢都算係"公眾人物"吧~
一開始真係好sweeet~ 有時一路上補習會一路諗, 唔知如果隔離同學知道原來佢(老師)女朋友係我, 會有咩反應呢? 不過因為佢唔想公開, 所以開始左無幾耐都發覺其實都幾辛苦~ 成日都唔可以公開拍拖, 包括係街度拖手, hug, kiss等(因為佢教左好多年, 好多學生都補過佢), 所以成日都係去佢屋企好似"呢埋"咁......而且佢又好忙, 成日都無時間陪我~ 搞到我成日都好唔開心, 無晒心機讀書, 最後佢因為唔想我因為佢ge關係而成日唔開心同影響學業, 所以開始左3個月就分手~~~而家講起都有d唔開心~
我覺得發展好唔好其實真係好睇對方ge態度, 如果佢唔介意俾人知當然無問題啦~ 不過應該無咩可能, 因為俾人知道左會好大件事(尤其係大學, 師生戀wor~) 所以多數都係要偷偷摸摸~ 如果你可以忍受到偷偷摸摸呢種感覺直到畢業的話, 我諗都有機會ge, 等你畢左業之後再同佢公開關係, 我諗到時都無咩人會話你啦~
至於年齡方面, 雖然我以前男朋友無大我20幾年咁多, 但係以一個18,19歲ge女仔黎講, 11年都已經係幾個generation啦~ 一開始都有d覺得好似同佢有d距離, 不過一齊左之後, 就已經無再諗呢個問題啦~ 只係純粹以一個女人同男人ge角度同佢相處~ 所以如果你可以克服到其他問題的話, 年紀我覺得唔係一個好大ge問題lor
我有個朋友(佢50幾歲了)話俾我知, 話佢以前有個中學同學, 同佢地個老師拍拖, 仲要令到個老師同老婆離婚而同佢結婚, 婚後都好幸福, 不過最後(幾十年之後) 個老師因為年老ge關係俾個老婆先行離世, 而佢個同學仔四十幾五十歲就要守寡, 都咪話唔慘~ 所以我覺得呢個反而係你要去諗ge問題lor~ 就係佢同你相差咁多, 好有可能佢會先行離世, 或者會(比起你)好快出現d老人病, 或者身體機能日漸變差, 而你仲係好年輕力壯, 咁你又願唔願意照顧佢呢?
雖然我唔係exactly係大學生同教授ge關係, 不過情況都有d類似, 所以希望可以幫到你~
2008-01-24 10:20:36 補充：
咁好可能其實個女仔係自願ga bor~ 雖然我唔排除果個老師或者係一個偽君子, 但係我覺得其實個女仔都有d中意個老師, 所以先會繼續單獨去同佢傾計, 因為如果個女仔係唔願意或者覺得受到侵犯的話, 又點會再去丫~~ 所以係咪你單方面覺得佢俾個老師"強吻"咋? 好有可能個女仔心裡面都想同個老師有d咩發展ga bor~ 同埋個老師點"照完鬆"呢? 佢地都無真係搞野~
2008-01-24 10:21:18 補充：
同埋你係咪中意個女仔ga? 因為聽你個口吻好似有d妒忌~~If not, then let it be la~ 牛唔飲水吾咁得牛頭底! 好多時係你情我願ge, 無話誰對誰錯~ 作為朋友, 唯有祝福佢, 希望佢開心lor~~ 因為好多野你以為係對佢好, 所以諗住"力勸"佢, 等佢可以"唔好再錯", 但係你又知呢樣野對佢黎講係一個"錯"? 如果你地只係朋友關係, 又何必因為呢件事而影響你地ge交情丫, 可能佢個心都好想不過唔講者~~
2008-01-24 10:24:39 補充：
如果你只係因為中意個女仔而係度妒忌的話, 咁就無野好講lu~~
