鋼琴 ( 牌子 ) 一問

首先抱歉, 本人唔認識"Harrison"呢個品牌. . .
不過我對你o既suggestion 係"工慾善其事, 必先利其器"
買樂器o既錢, 係唔可以節省架!!
千祈唔好諗住"琴鍵重量較輕" 就會 "比較適合小朋友初學"
雖然輕D係會易彈D, 不過咁樣會令到小朋友(初學者)學壞手勢架!!
而且太平, 太舊 既樂器, 一般都會有好多內在o既救唔返o既結構問題, 即係話音色同埋音準都會有影響, 長期彈一部唔準o既鋼琴, 對日後繼續學落去有好大o既壞影響架!
因為"聆聽"or"聽力"係其中一樣學音樂o既關鍵!
如果驚小朋友會學學下放棄而浪費左買琴金錢, 你可以選擇一D日本o既二手琴, 價錢可接受之餘, 品質都唔會太差~
不過試想想, 如果知道家人付出咁多俾自己去學, 都唔會敢咁容易就放棄啦 =) 同埋如果部琴彈出黎D音靚D, 練琴都有心機啦 =)
如果二手琴的話, 可以考慮一下YAMAHA, Kawii 同 TOYAMA等~
價錢可以介乎四千至過萬不等~
不過要緊記, 無論一部琴幾平同幾貴都好, 都一定要搵一個有經驗o既人去幫你試琴, 因為就算由同一個品牌, 同一間廠 做o既 同一個型號o既琴, 部部o既質素都會唔同架! 所以一定要試清楚!! 千萬唔好太過急咁買, 要慢慢黎 =)
希望以上少少o既資料可以幫到你啦 =)