考車~天光道!!

天光道係出名易肥的地方，當然PASS的人會覺得好易，我自已都係天光道PASS，其實小心一點，邊度都易PASS

請問考天光道有咩特別既地方要注意??
1. 天光道試場出面係學校區，呢度係第一個CHECK POINT，如果考車正值放學時間，會有大量私家車同校車，好大機會要CUT線過車，但係又會有好多師奶睇都唔睇你就抽出黎，所以千萬要小心
2. 右轉入靠背隴道係第二個CHECK POINT，千祈要打燈，因為你要越過對面線，所以有機會等耐少少，慢慢黎，最緊要左睇右睇，先慢慢洗入，行多一段就可以入3波斯
3. 入左靠背隴道係第三個CHECK POINT，左手邊有車位，又有地盤，隨時會有d亞婆走出黎 (下午3,4點買「食送」時間超多)，所以就算入左3波，都唔好快，記得望實有冇人走出黎，大吉利事有個人走出黎，比個官快過你dup，死得

4. 江蘇街出路口係第四個CHECK POINT, 千祈要小心，呢度有斜路停車，又要吊極力子，可能係慢慢行上去，又可能要停車起步，路口左右都有大車衝過，睇到定一定先好行，但可以肯定，會有好多車跟住你，唔洗理，唔洗急慢慢黎，最緊要定，完成左後經靠背隴道回程，你已經成功左九成。
5.返試場係最後一個CHECK POINT，因為又係要過對面線返入停車場，又係斜路，如果停定左，要斜路起步的話，小心架車後溜

同埋係咩地方要轉3波??
好難講，2波行到2000~2500轉就要上3波

指示燈唔記得打係咪會即肥??
係

希望幫到你