樓下牆身浸水，佢話係我屋企漏水。

各位，
我住村屋的。我入伙已好幾個月喇，而屋裏面嘅水電工程就一年前已完工(上面兩層都係我嘅)。一直都無話有漏水落樓下。
而對方只是兩個月前買樓下個單位 。做完裝修，冬至嗰日先搬嚟。
最近佢投訴我地屋企漏水落佢度，令牆身及地板浸水。
我有落去睇睇，又真係由牆身嘅TV制滴水(我個廚房就係正上面)。地板有積水。
依家情況係佢屋企真係入水，但最近做工程嘅只得佢。若佢覺得(甚至乎一口咬定)係我嘅責任，我可以點做呢？
佢買樓嗰陣無事，佢裝修前都無事，偏偏裝修完就有事。仲係拆牆大裝修。我覺得係佢鑿穿牆裏面嘅水管而漏水。水當然向下流，但唔代表係我漏水落佢度噃(因為佢天花板都係靚靚無水污)！
暫時大家都好友善，我想了解呢個責任點處理而唔影响大家嘅關係呢？