咁既情況既話 , 可唔可以再有機會復合?

你真係有主見~~ (你篇野係咪寫錯左冇主見做有主見?)

重新追過佢 <-------
這是一個笑話, 點解人地一眼就看得出個中同成熟過你? 係因為你2.5年被佢看到未到佢個standard呀, 你想用一個月的時間去改變佢2.5年的看法? 你一係天真, 一係好有計....
佢關心的唔係追, 係追左之後的生活..


要keep 住contact 定係點? <--------
我好懷疑你篇野隱暪左幾多野, 不過就你以上提供的野, 你有兩條路行

一係退居二線, 和平分手, 講明俾個機會對方和自己認清各自要D咩, 之後適當地表達下自己對對方的關懷便可.......到你自己見識多左 (如果你有上進心的話), 又仍愛著佢, 佢又未找到佢的另一半.....先再追啦
這個方法的好處是
1) 對雙方對好過一點
2) 以長遠以言, 大家都有機會知道誰是自己的至愛
這方法的難度是在於
1) 你係咪真係放得開手先, (如果放開手, 又要管住晒, 同拖泥帶水冇分別),
2) 而且中間有好多變數 你根本控制唔住(什至你連以後仲會唔會愛佢都未知)

另一條路係, 一直拖泥帶水, 借機展現你的上進(要注意...唔係展現你的上進心, 係上進)
反正佢同佢個中同都未開始, 只係單思, 要拖住應該不難,
這個方法的好處是
1) 較易實行,
2) 相對地你可以知道多D野 (係知道only, 唔係控制),
這個方法的難度是
1) 拖對雙方都是折磨, 你也要有心理準備佢會一腳踏兩船,
2) 失敗的機會也高(只要佢or 佢個中同有一個人有D主見, 夠硬淨, 咁佢一定唔會同你拖), 就算成功, 以後在雙方也可能會有根刺


佢係俾緊機會我? <-----
再次暴露出你真係有主見.
如上文所言, 你想用一個月的時間去改變佢2.5年的看法? 佢俾機會你又如何?
如果你愛佢, 佢唔俾機會你, 你自己唔會去創造機會?

最後送你一句歌詞
誰能憑愛意叫富士山私有?
佢不是你的私人貨, 無論如何, 你都唔可以直接阻止佢同個中同接觸, 否則只會引來更大的反感

2008-01-22 12:57:12 補充：
上進心同上進的分別係前者係講心 (即係你之前2.5年應該要展現, 但係你冇展現的野)後者係講實績

一個女人對男人死左心就唔會有得救.......更可況佢已經有鍾意ga人?
就算佢係呃你(話有鍾意ga人),都已經証明左佢想係你同佢ga感情到畫上句號..........
不如你諗下自己點解會俾佢話你冇上進心同主見啦.......等下次唔好因為咁而分開.....

如果你真係想追反佢ga.....唔係唔得,但起碼要過一段時間先有可能......

其實我似前都係好似你女友甘既人,
女人自私啦!~怕自己揀錯左會後悔嗎?
而家佢拖住你先同你保持聯絡,
得閒約下你出來吃飯行街,感覺好像似前甘,
萬一佢同正室男友分手,都仲有你安慰下,
或者再復合話唔定!!!!~~~~
不過,呢仲做法都係後生女人18-25歲前,不停換男友
起碼仲有得揀幸福,打後年齡就要決擇啦!!~
究竟揀你 或另有事業穩定男人呢?
就好睇你呢2年內無論工作積極, 生活態度能表現到成熟可靠性?
你能夠做到既當然好,正所謂要揀都揀個曾經了解過自己既男人嗎?
我21歲女性曾經都拖泥帶水,同緊6年男友一齊,上年識左個大個10年
成熟穩重男人後,初初怕自己食唔住呢個男人,我始終都細10年,
不論人生經驗都無甘豐富,怕他玩玩下.................
但後來佢真係好愛好愛我,我覺得自己唔可似甘唔公平既事,
當時我仲未同6年男友分手,我和前男友分手................
當然無奈和可惜有悔意............但了路自己揀既
我只想捉緊幸福,但亦唔想阻外別人幸福!~
朋友~~~你問問自己"你介意你更愛佢多過佢愛你嗎?"
你介意既就不要打擾她或暫時不要聯絡,過了大半年後事情忘記了可能會好點
你不介意就努力工作加人工升職,表現自己,要成熟..............
呢個係我小小建議!!! thx

算吧啦. 佢已經變咗心, 無論你點改, 你地都唔會結果.

机会悟系人地比噶,而系自己努力翻来噶..... 既然区都冇咗原先噶FEEL咯,甘又何必一齐哩?? 到最后辛苦噶埋又系自己, 不如趁呢噶机会LEARN A LESSON, 系你噶就无论点样都好,都会系你噶; 悟系你噶野,你点强求都悟会系你噶.. 比D时间区咯, 不过作为男人噶你, 悟好再打电话比区啦, 等区打比你啦......悟好默默甘等区, 做番你自己噶野, 从今以后你系为你自己而活....

我的情況與你的都算類似。我女友在聖誕同男同事食完飯就話愛上了他﹐對﹐不是喜歡﹐而是愛上。她說要靜下﹐最後﹖當然是與第三者拍拖。你不要學我﹐我是一個又長情又痴情的大笨蛋﹐到現在都想諗她﹐都愛著她。現今社會不同了﹐甚麼一生一世都不太重要﹐人人都講感覺就算。現在對你有感覺﹐就與你在一起。遲些對另外一個有感覺﹐就可以立刻放下對你的感情。現在沒有甚麼天長地久﹐結了婚也可以離婚。總之﹐有感覺就一起﹐無感覺就散﹐就是這麼間單。

我係你就係呢段時間諗一下你女朋友同你講既野,果個男仔冇追佢都心動想分手,如果個男仔追佢就一定飛你,可想而知你係佢心目中既地位有幾重要,就算現在在一起,他日都會再發生同樣事件,所以要諗清楚!


佢唔係俾緊機會你,只係佢都係度掙扎緊

照咁睇,佢個心都吾係你度,夾硬黎咪被人當[愛的替身〕．感情的野,一變心,就無得返轉頭（佢又咁容易鍾意第二個，分手係遲早的事）

天涯可處無芳草,你咪當上左人生的一課,知道自己吾好的地方,再去改善

你喜歡的,可以keep contact 的,但我個人就未必會再主動聯絡個女仔，費事再胡思亂想

你而家可以做的係,接受現實,或者發掘下自己其他的興趣,多Ｄ同朋友一齊，千祈咪以為你可以做Ｄ野而令佢再理你

我宜家唔會再追佢.
1) 佢已變心 (係12月一次見面後就鐘意左佢), 勉強一齊無幸福
2) 你要有更多時間去認識自己, 唔係個女仔話要改咩就改咩, 要清楚咩野真係有問題
3) 做番朋友會好d, 我自己唔鐘意一腳踏兩船ge人, 等佢搞清楚先再算

一段有裂縫的愛情，可維持多久？
不如忘記一齊，從新開始更好。

2008-01-22 19:54:23 補充：
你唔好千方百計令自己跌入陷阱好嗎！