點解換了幾次水仍是綠色的???

你個缸ｄ水綠色，有兩個可能：一係就係藥水本身有色，一係就有綠水。
如果係藥水，即係話你落藥後換水未足以令到水變返清，咁可以繼續定期換水，終有清o既一日。再唔係就用活性碳，都可以吸走ｄ色。
至於綠水，係由水中綠小球藻大量繁殖引起，綠小球藻當然係藻啦。綠水起因係水中有大量肥料，草用唔哂就益左ｄ藻類。所以餵食不能過量，以落糧後三至五分鐘食完為準；仲要定時換水，一星期最少一次啦。
另一情況係陽光照到魚缸。因為水草只會用到陽光中部份能量（吸收綠色以外o既光），其他不同色溫o既光就益左藻類。養草唔會用色溫高於 8000k o既光管，亦唔會用火數太大o既燈，因為前者草用唔著，後者太多能量，就好似陽光咁，光度強加上全光譜（乜色溫都有），所以室外水池大多都係成潭綠水。
換哂ｄ水，換埋個缸，基本上綠水都會再返o黎。唯一方法係水質管理：
１．換水夠唔夠？
２．落糧多唔多過頭？
３．陽光曬唔曬到缸？
４．燈有冇長開？
如果係陽光問題，一係移缸，一係加簾，一係用錢解決：買個 uv 燈。

是不是你的魚缸由早到晚也開燈,因為如果是這樣魚缸的水便會綠色了.另在過濾方面可能做得不好.因我之前的魚缸也有此情況,後來我再過濾的盒加了生化棉及換了炭,便好了很多.

D藥水係綠色嘎嗎,.,你用邊只ㄚ?我用開[威龍]$45,同埋[新魚堡]$38,,係花園街(賣金魚果到)頭果到有得賣