結婚斟茶問題？

1. 外父及外母, 姊妹應在新郎到前(即接新娘), 已經到場, 所以應先斟茶比外父及外母.
2. 一切接新娘儀式進行後, 才請老爺奶奶上嚟(在大堂稍候), 接新娘玩遊戲時不好一齊上嚟.
3. 待奉茶給老爺奶奶後, 就請雙方父母一起在房中稍事休息, 安排午餐等.

p.s.雖然男女家都超級開通, 有時呢的野做起上來, 都要注重下, 尊重長輩.

男家父母黎到香港都應該有地方住, 一係住酒店, 一係住親戚屋企, 點都會有個地方暫住，建議可以在男家父母的暫住地方進行斟茶儀式，因為傳統上唔會有新郎帶埋父母去接新娘，就算佢地開通唔介意，禮節上都唔通!!!

如果實在無其他方法，一定要係同一酒店房斟茶，咁新郎接新娘後應該先斟茶比女方父母及親戚，然後再斟茶俾男方父母及親戚，意思係新娘要先由女家"出門"，再"入門"到男家。

安排在酒店出閣非常好,
第一 ~ 你老公接新娘時應先和妳斟茶予妳的父母~作為接新娘儀式
第二 ~ 接完新娘就到妳兩公婆斟茶給新郎的父母(老爺,奶奶)及至親如姨媽姑姐等等...

祝您們白頭到老,夫妻和順!

應該搵個大襟姐就乜都掂洒囉！

斟茶應斟比女家先, 因為正常係新郎去女家接新娘, 在新娘家先斟茶比岳父岳母, 等於正式將個女交比個女婿, 再去男家, 正式過門斟茶比老爺奶奶, 現在全去哂酒店, 都應該跟次序去 斟茶架.
點處置兩家父母? 不用太費心神, 男家父母長期在外國, 思想應也開通, 將兩家父母擺在一起等佢地聯絡下感情囉.
而家都好隨心架喇.

男家父母在港都應有暫住址或酒店，新郎接你後應到其父母的暫住址，
因男家父母一齊上嚟接你，輩份唔通。
不過現在一齊都無所謂，只要你們相方父母都話OK 咪得囉，
但斟茶時，要比男家父母先，因為在禮法上，男家屬上門襯家。