關於海洋公園行程問題

早約11:00 am 到金鐘坐直巴到後門 (可在金鐘先吃早餐，在金色個座 Far east financial centre有大家樂和大快活)，到了海洋公園可先撘下行人天梯懷舊下，上到頂行去海獅館即太平洋海岸(無乜人)後再行落去鯊魚館和海洋館(唔好撞正海洋劇場散場應無乜人)。再行去吊車站個邊睇下水母館條籠偽多唔多人，少人可順到看看見多人可放棄或下午5點左右回程看，一定無乜人。

再座吊車過正門約13:00可再吃少許東西，一條路直奔熊貓館。(可能好多人不過13:00左右應無乜人)之後再行去睇下威威劇場(在兒童樂園個邊)，順道看看雀鳥劇場。有時間去返熊貓館個邊，大汽球個邊映下相，座下、飲下野，睇大陸雜技表演！約 15:00左右到再週圍行下就完結旅程，輕輕松松的行程。

約想充實一點，可早少許到約10:30am海洋公園(因遲了無票)，一落車就走去入閘處旁的客務中心先取張下午5點左有的冰上表演門票(唔知完了末)留待回程後，座返吊車返去後門睇(即大樹灣個邊)，順道睇埋水母館，如未開場可到入口處旁座下睇下紅鶴，休息下。睇完表演差不多18:00，走得！

因遲了無票????
點會呀！

1)首先你一定要看一看門口,因為如果唔係你都幾難可以入到去

2)可參觀一下壯觀的人流

3)再到廁所看一看祖國旅客如廁的情況

4)走得~

5)完,咁就一日~

自己玩嫁wo..冇人安排

甘...係便利店買水, 仲有唔想食入面的野, 可以去買的bread (入面好貴架). 去到都係一入口集古村. 跟手撜電梯上去睇海豹海獅. 跟手係海豚表演 (留意表演時間).再行前的有個觀光塔. 再行前的係鯊魚館, 中途唔去上吊車..行前的仲有個好大既海洋館, 行完睇下的機動遊戲果度, 都有野食買, 好多架, 好貴 !! 跟住行返上斜路,去吊車度, 落左吊車行落去, 一邊係兒童樂園, 一邊有高卡車(要錢架), 同埋氫氣球(要錢架) . 行上去就有熊貓睇, 跟手出口啦... 依家海洋公園起緊野. 無以前甘多野行架啦..... 呢個行程無機動遊戲架 !!!!!