我想問一下大家當股市下跌時?

個人意見覺得喺跌市時，首先要清晰分清楚自己手頭上嘅股票係作長線投資，定短線投機，如果係一啲優質嘅股票，例如:941,939,3968等等.....不妨繼續持有，耐心等候反彈，因為優質龍頭股唔會無止境下跌，佢會有自己的價值，抱住平常心就母須因一時市況波動而坐立不安！相反係投機類的話就要分清仲值唔值得持有，如果仲未跌穿買入價的話，就不妨沽貨吐現了，因為此類股票抗跌力弱，跌勢會一發不可收拾，例如:910,3337,505,207等等.....如果已經蝕到入肉的話，就寧願鬥長命，待稍微反彈先至走人！
以上純屬個人意見，認同的話可當發嗡風！

無須灰心,無須畏懼,須知投資領域恰如人生的縮影，「畏懼」是遲早站於門外向汝招手；故此與其要東躲西避，倒不如主動找它上門，看看其有何可怕之處，方為進取的心；
在「HEQ投資心理學」的立場上，對過往生畏懼，不但令人裹足不前，亦使對眼前利弊視而不見，更遑論要高瞻遠矚，運籌帷握，決勝於千里之外；
何況，只因曾受的傷害而畏懼，不敢坦然面對，究其原委，亦難保不會再次發生；
正如在此等項目上受損，便棄之不再敢，就是否等如在彼等項目上不會重蹈覆轍?
所以，投資者切記不要因往昔而畏懼，理應勇於抽出因由，甚至窮追猛打。

p.s若因過往灰心畏懼,拒投資於千里外，則未必是利多於弊；故此，若要增加勝算，則必須集中火力，在本身最熟悉的項目上再出擊；

你好 , 講真一句 , 當自己買的股票正在下跌 , 如跌破買入價 , 心情固然不好受 ,
但其實無跌破買入價但又跌近自己買入價的反而是較痛苦 , 一旦跌破不如一心
跟佢鬥長命 ; 如無跌破現在放又驚佢反彈 , 不放又驚越賺越小甚至倒蝕 ; 其實 ,
在這波動市中入市 , 如自認EQ及AQ能超越常人或高過巴菲特 , 或許你真的可
進取一些 , 否則就像閣下一樣 , 買入時以為自己可輕鬆面對成敗得失 , 但真的
出現下跌時 , 反而覺得股票甚至身邊任何事情都在不斷惡化 , 這是否太嚴重呢 ?
講真一句 , 錢財身外物 , 在那裡跌低就在那裡企回起來 , 若閣下是有工作之人 ,
就算股票跌 , 難道份工都會跌走嗎 ? 驚及無心機只有EQ及AQ非常低的人才會
同時出現 , 難道你想做埋其中一份子 ? 倒不如現在股票已跌 , 從今次教訓中學
習如何面對逆境吧 !!!!

食得咸魚抵得渴，驚都冇用，玩得股票，都應預咗個市會有升有跌。我都做咗蟹，組合帳面唔見咗2成，不過是優質股的話，相信唔使好耐一定會升翻嘅。唔係短炒咪坐吓囉！如果依家被震走，就益晒d大戶la!

又唔需要咁冇心機總之你買既係優質股,一定有機會升番,只要比耐性就得

我同你情況一樣。你要了解左自己驚什麼先。借左錢? 綁實左好大舊錢而影響生活? 買的是質素不佳的垃圾股?

我就全部都唔係，我冇借錢，綁實唔算大舊錢，不影響生活，買的又不是垃圾股，所以我冇野好驚，唯有當冇買過，忘記佢存在，我唔信長揸兩三年會升唔翻囉!!

咩都唔好理，唔好睇，唔好聽！