倉鼠bb食d咩嫁??(20點嫁)

唔知你講既鼠B係幾多日大呢?

鼠鼠由出世到成熟,食既野有三個階段:
1)鼠b出世至到大約12日大左右,只會食鼠媽媽既奶

2)到鼠b大約12日大,你會見到鼠b開始出唻搵野食,呢個時候鼠b會食鼠媽媽既奶,又會食鼠糧,所以呢個時候要將D鼠糧整細粒D,如果整到有D近粉狀既話就要加少少水落去,唔係好易會令鼠B哽死

3)到鼠b戒奶後(約21日大),就要同鼠媽分籠,呢個時候就可以完全食鼠糧了,由鼠店買返唻既鼠都係呢個情況

附上鼠bb成長階段既資料俾你參考一下:
1) 出世: 未開眼,有d牙仔,冇毛,有細爪
2)第七日: 開始出毛
3)第十日: d毛開始生長到都幾多
4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水 <----
5)第十五日: 開眼
6)第十六日: 出齊毛啦
7)第十八至廿一日: 戒奶,要將bb同媽媽分開
8)一個月至四十五日: 成熟期,鼠既品種唔同有唔同既成熟期

另外,唔知係咪你既鼠生左bb呢?處理出世既bb有冇問題?
其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2008-01-21 23:53:53 補充：
如果係有鼠鼠生左bb,可參考返以下我回答既知識,可盡量避免鼠b被食既危險:http://hk.knowledge.yahoo.com/question/?qid=7008010604816

2008-01-23 21:20:15 補充：
鼠b戒奶前都唔好俾瓜子,因為對鼠b唻講係好難食得落去而如果鼠b未戒奶就俾水果,更加係十分危險1)如果親自俾bb食,一來會哽死,二來會令鼠媽媽好緊張,可能會食bb2)水果好快就會變壞,如果成日更換,都會令鼠媽媽緊張3)就咁放在籠等bb食既話,絕大機會係鼠媽媽一個食晒,咁會做成肚瀉4)水果只可以食極少,食得多會肚瀉,所以我就唔建議亂俾水果俾鼠鼠食不過就算鼠b戒左奶,我都唔建議俾鼠鼠食蔬果,太多水份好易令鼠鼠肚瀉,更詳細原因可參考以下我回答既知識:http://hk.knowledge.yahoo.com/question/?qid=7008010602015

瓜子law

出世無耐既倉鼠BB應該系飲番倉鼠媽媽D奶嫁..
D倉鼠BB出世無耐無可能食到好硬既食物..
當倉鼠BB出左世about2-2.5個月到就開始可以食少少乾糧..
要緊記,剛出世既倉鼠BB千祈唔好走去摸個BB
因為當個倉鼠媽媽&quot;聞&quot;到佢個BB有人味既時候,,
佢有可能會食左自己D BB..
仲要要分開個倉鼠爸爸..

食鸚鵡都食的瓜子.
d倉鼠bb大得好快, 原本係粉紅色身體, 轉眼已好像變成成年倉鼠一樣, 雖然係用個籠困住牠們, 但牠們好像不覺得悶, 都係人口密度太高, 野食唔夠分, 有貧富懸殊問題.

倉鼠是雜食動物，幾乎甚麼都吃，但最好給牠吃小麥、粟米、摩登瓜子、合成鼠糧和黃豆（在鼠店可買到雜錦鼠糧），間中可給予新鮮水果。倉鼠很喜歡將食物儲存在兩頰的皮囊內，尤其是金毛鼠，常塞到塊面脹卜卜（:D）。所以當發現兜內沒有食物時，不用急著添加，先檢查一下牠們的面蛋再說吧！

1) 餵飼方面

倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。

以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因

為這些食物營養較高。忌吃熱氣的食物瓜子, 肉類等。瓜

子和熱氣的食物會使倉鼠脾氣暴躁。