bobbi brown ga eve brightener

其實佢o既用途同遮霞膏一樣,只不過佢係專for眼部用黎遮黑眼圈,我本人就覺得麻麻,bb啲粉底同遮霞膏o既質地係比較乾,同埋佢o既顏色係比較偏向黃,如果妳皮膚較白o既話就唔係咁啱用,而我自己之前亦都用過,大概係2年前o既事啦,嗰陣啱啱學識用遮霞膏,睇左好多書都話bb o既遮霞膏好好用,於是就走左去買黎用,用左大概2-3個星期度,有一日發覺眼下面多左好多乾紋,以為係冬天天氣乾啦,於是勁搽eye cream同b5gel啦,過多一個星期左右,d乾紋無淡到不特止,眼肚度仲出現左d好似雞皮咁o既粒粒,勁恐怖呀!於是即刻睇醫生啦,醫生就話因為眼部o既皮膚比較脆弱,我用o既遮霞膏又比較乾,搽完遮霞膏後仲上一層碎粉就更加乾上加乾,而且d化妝品o係塊面上面幾個鐘會不斷抽乾皮膚o既水份以至令到妳o既皮膚出現乾紋及乾粒,仲要最慘係無得醫,因為d粒粒又未大粒到可以用激光黎打佢,只可以停用遮霞膏及用返d重水份o既eye cream同埋夫多d eye mask,到而家面年後d粒粒同乾紋雖然已經淡左好多,但係都仲o係度,所以揀遮霞膏真係要小心d,一失足成千古恨呀,bb其實都有野好用o既,就係佢d化妝掃同埋眼影胭脂,都幾好架,如果妳想買遮霞膏o既話我會介紹妳用laura mercier呢個牌子,o係銅鑼灣連卡佛有得賣,佢有兩隻架,一隻係圓形盒裡面有一隻顏色o既,另一隻係一盒裡面有幾種顏色,分別就係第二盒可以混合唔同o既顏色黎調配返最貼近自己膚色o既遮霞膏,配合返妳自己o既需要,而佢o個隻for眼肚專用o既碎粉亦都好好用架,唔會令妳出乾紋,好鬼正,希望幫到妳啦^^