假結婚問題(URGENT)(20分)

1. 高院法官韋毅志在舊年5月處理一宗裁判法院假結婚上訴時指出: “假結婚因涉及以假文件欺騙政府, 令其在行政管治上作出在一般情況下不會批准的決定, 而影響到公眾利益及其管治威信. 所以應判處監禁.” 所以假結婚會以12個月監禁為量刑起點. 認罪可獲三份一刑期扣減, 即係8個月. 獄中行為良好可再獲三份一刑期扣減, 即係實坐5個零月.
2. 大部份人犯法都係背景清白啦, 而判有罪後都會有悔意, 及家人朋友支持....等等. 所以其實無乜用.
3. 一定唔會2-3個月咁少. 舊年一名香港男子徐輝成因涉及一宗假結婚案件，在沙田裁判法院被判入獄十二個月.
4. 私人律師收得你錢只做你一單case梗係專注d啦. 但如(1)及(2)咁講, 求情都分別唔大.

1. 好大機會是坐監，通常判18個月左右。
2. 有求情信，無案底，依家有正職等，有少少幫助但唔多，因為這種案件數目上升很多，所以要判得較重來打擊。
3. 一定唔止2-3個月。
4. 有錢的話可以請私人律師，但我估你做得假結婚都係為錢，咁不如慳翻，求情都係不外乎講自己的背景各樣，當值律師都講到嘅。
5. 祝你好運！

私人律師唔一定好,反而係睇個官點判

有求情信同正職當然好,或者上到庭會加你分