點解我隻倉鼠會突然死去?

✔ 最佳答案

首先好抱歉知道你既鼠離開左,希望你唔好太傷心

如果話成隻鼠得返個頭,相信係有第隻鼠在同一個籠,又或係有第d動物去食左鼠鼠既身體
我細個既時候係一籠兩鼠,曾經有一次有同一胎既兩兄弟,本來感情看似要好,忽然一陣就打到一隻頭甩左出唻,你隻鼠既情況有d相似,不過如果係有第隻鼠在場,就係第隻鼠比呢隻更強,將呢隻鼠打死並食晒下半身
如果冇第隻鼠一齊住,就要諗下會唔會係個籠既門關得唔好or被破壞,,俾第隻動物有機會殺死鼠鼠

就以上既問題,日後養鼠可留意返以下事項:(鼠鼠死亡同時係一個好好既教訓,諗返原因,日後可以唔好犯同樣既錯誤)
1)你可以用d鎖匙扣當做鎖咁鎖住道門,以防籠既門被打開,仲可以防止鼠鼠走佬
我都係咁做既,當然個扣既位唔可以大,大少少都好易開到,我用既扣都係好細個.有d寵物店都有鎖買,都係一d鎖匙扣咁

2)如家中有貓狗等其他寵物,最好將鼠籠放高,以免被第隻寵物將鼠鼠食左or用唻玩

3)其實鼠鼠最好分籠,如果唔同性別,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

回答 (2)