高清電視機

寫得1080即係佢最小支援1080i輸入(1920 x 1080隔行掃描),這己經是高清廣播的最高標準.即係足夠睇到高清數碼廣播,但係揀電視唔可以淨係睇佢支援甚麼輸入,因為佢極有可能只係一部HD ready的電視
HD ready電視通常係指一啲解像度唔夠1920 x 1080的電視,例如只有1366 x 768咁.佢可以睇到720p或者1080i訊號,唔會冇畫面,但遇到1080i訊號就顯示唔晒,會經內置線路轉換成本身解像度先顯示,仍然有一定高清效果,但會比Full HD電視出足1920 x 1080差.
Full HD電視就係解像度去到1920 x 1080,可以點對點顯示1080i訊號,效果最好價錢也最貴.
至於1080p就係一啲高解像影碟例如Blu-Ray或者HD-DVD先有.1080i係隔行掃描,電視機係掃完單數掃描線先掃雙數掃描線的,畫面較容易出現狗牙或閃爍等問題.1080p就係同一時間內,順序掃晒所有掃描線比1080p更隠定更細密.