我想大學畢業後做空中小姐..............

空中服務員（又稱空乘、空服員；女性稱空中小姐、空姐，已婚的又稱空嫂；男性稱空中少爺、空少），主要的職責是在民航飛機上確保乘客旅途中的安全和舒適——例如為乘客供應飛機餐等餐飲；指導乘客使用機上安全設備以及在緊急情況下組織乘客逃離飛機等等。因為近年來恐怖活動和劫機活動的威脅，維護客艙內的保安也成為現在空中乘務員的越來越重要的職責。

最早的空中服務員出現在1930年，一位名為埃倫·切奇（Ellen Church）的25歲護士被美國聯合航空聘用在飛機上照顧乘客。

在很長的一個時期內，空中服務員主要是女性，但近年來越來越多的男性加入到空中服務員的行列。

空中服務員在入職前需先接受航空公司提供的訓練，合格後才可正式上任。訓練包括服務、儀態、化妝、飛機安全及急救等，以確保在意外時懂得應變。空中服務員通常需懂英語及另外一種或以上的語言，以便與各國乘客溝通。

由於空中服務員有機會在工作時到其他國家，加上其工作性質，以及高於一般行業的薪資，因此成為不少年輕人趨之若鶩的職業。每逢航空公司公開招聘空中服務員，都會引來不少人排隊應徵。實際上，空中服務員的工作的體力需求很大，需久站，加上要時常適應時差，有時會造成女性空服員的月經週期紊亂，還有長時間曝露在高劑量天然輻射當中，因此空中服務員是辛苦而不輕鬆的工種。

基本要求唔多提啦, 反正樓上真係講得好好. 如果要小弟補充, 只是提提你: 佢地有身高的規定, 其實只是因為佢要求你在機艙中, 可以幫到乘客將行李放到機位上面的行李架到. 如果你自己平時去旅行, 可以自己將行李放到行李架到, 甘你在身高上無問題啦...
小弟都有一個朋友做空中少爺. 有咩問題, 亦可電郵給我, 我都可以幫你問問
圖片參考：http://hk.yimg.com/i/icon/16/3.gif

小弟之前去過空中少爺的面試. 好老實講, 個次唔得, 但可以同你分享下經驗. 我記得個次係去國泰城 first interview, 內容包括用英文自我介紹, 同埋Group Discussion環節. 你要唔好怕醜
圖片參考：http://hk.yimg.com/i/icon/16/9.gif
, 試下講多d野. 當然啦, 唔好有你講, 無人講...
以下我是在Yahoo knowledge中幫你查到空中小姐中的條件, 相當實用架. (如果個時我見到依個網, 就可以準備好d....)
(來源: http://hk.knowledge.yahoo.com/question/?qid=7006100104302)

小弟現轉幹給你看:
1. 外觀- 打扮端莊整潔, 最好穿著套裝(suit), 化淡妝, 長頭髮的最好扎計, 因為儀表對空中服務員來講好重要, 好影響面試官對你嘅第一印象

2. 笑容, 談吐- 笑容係十分重要, 眼神要溫婉, 就算遇到唔識答嘅問題都要保持得體嘅微笑, 另外, 談吐要溫文, 從言談間表現出友善親切嘅性格

3. 態度- 係指你對空中服務員一職有冇正面而且正確嘅態度。好多人根本唔知空中服務員係咩, 認為只係高級侍應, 又或者只因為免費機票, 喜愛旅遊, 如果係咁就一定唔合格。空中服務員唔單止係「侍應」, 仲係航機上嘅「安全專家」, 成為空中服務員過程好辛苦嘅, 要pass 哂好多嘅安全, 急救訓練, 而且要有堅強, 冷靜嘅性格先可以保障到航機乘客嘅安全, 唔係「高, 靚, 英文好」就能勝任。

4. 團隊合作- 因為每班航機都有機會同從未見過嘅同事合作, 所以有良好溝通能力係好重要。面試好多時都會有小組討論, 目的就係睇下你識唔識同人溝通, 記住一點:「千其唔好做阿頭話哂事, 空中服務員講求係合作性」

5. 係啦, 語文能力, 都好重要架, 唔係要你好似地道外籍人士咁, 但一定要清楚咁表達到自己意思, 同時清楚明白對方所講. 其實, 只需要良好英語同普通話, 即係可以同客人溝通到就得!!! 而且空中服務員面試, 語文只係其中一部份

~~~~~~~~~~~~~~~

每一間航空公司要求會唔同, 但以上就係大方向, 例如國泰會注重態度同團體合作, 而港龍就比國泰更注重儀表~~

係喎, 有一套日劇介紹俾你, 係上戶彩主演嘅"attention please"(台灣譯作: 甜心空姐) , 內容係全部關於空中服務員嘅訓練, 你睇左就會知道做空姐一d都唔簡單了~~
點都好, 希望幫到你
圖片參考：http://hk.yimg.com/i/icon/16/10.gif


2008-01-21 13:55:03 補充：
打錯字tim, 是轉載, 不是轉幹今日我見到國泰又請人bor, 以下是佢地招聘人才的網址, 你不妨上去睇下:http://www.cathaypacific.com/cpa/zh_INTL/careershome?CX_LANGUAGE=zh

學歷應該無問題,中英文一定要好,最好識多兩種語言潻,一種普通話,一種日文,重有一樣係一定要靚