我好傻為咗一個女人，宣家同佢日日嘈交（好長）

我同佢已經識咗三年（我地都係男），起初我係街主動識佢，佢今年二十三歲，而我成四十歲，佢亦知道我係基嘅，我估唔到發展落去佢搬去我屋企一齊住（我係一個人住），佢之前嘅生活同家人關係惡劣，喺停車場瞓，可能佢覺得我幫佢所以間中佢亦肯幫我用手攪；不過宜家我地嘅關係以叔姪稱呼，我亦漸漸性方面嘅感覺少咗，我只係見佢好安心喺我屋企瞓覺我就由個心開心出嚟。問題就係一個月前有個比佢大三年嘅女人溝佢，佢地一拍即合，自從佢同呢個女人一齊之後，工又辭咗唔做，呢個女人亦同屋企關係惡劣搬出嚟住，咁巧合喺我屋企五至十分鐘路程，我覺得呢個女人所做嘅一切係有目的，所以近排我同佢往往因為呢個女人日日嘈交，甚至乎佢應承我行街都會放飛機，我想問我宜家係咪應該功成身退，抽身出來，叫佢搬走（佢亦唔捨得搬走，因我一個仙都冇收佢租，只係象徵一個月收返二、三佰蚊）；定係忍住當乜都唔知，冇事發生，因我担心佢會回復之前無家可歸，我唔甘心三年建立嘅關係比一個咁嘅女人破壞，請各位好心給我指示或意見。