去番愚長隆幾問 - Ans.fyi 參考答案

去番愚長隆幾問

Angel

2008-01-20 7:14 pm

我黎緊會同屋企人(四個人)去番愚長隆玩,而家諗緊住長隆酒店定祈福酒店好.我地想做嘅野分別係去睇長隆大馬戲,去四海一家食buffet,按下摩,食平靚正嘅野兼行下shopping下.而長隆歡樂世界同水上樂園都唔會去,因為我地唔多啱水上活動同機動遊戲.咁樣大家覺得住邊間好啲?

另有些問題:
(1)祈福酒店係咪有好多間,我見有祈福酒店,又有祈福南沙酒店,又有祈福酒店渡假屋,究竟邊間打邊間?人地話响香港搭直通巴士到祈福新邨,行過隔離就係,兼有大型會所果間其實係邊間?

(2)我見到永東有做package,大家覺得邊個好啲?俾啲意見!

長隆酒店$2280四人套票包:
‧來回車票四套
‧家庭四人房一間一晚
‧西式自助早餐四位

祈福酒店$1060二人(四人即$2120)套票包:
‧香港至酒店來回車票兩套
‧番禺祈福酒店高級雙人房一間一晚
‧曼克頓西餐廳自助早餐兩位
‧祈福農莊門票兩張
‧全身保健穴位按摩兼推油一位(60 分鐘)

回答 (1)

Lai Ming

2008-01-22 12:26 am

✔ 最佳答案

「祈福酒店」、「祈福(南沙)酒店」、「祈福(仙湖)酒店」都是祈福集團屬下的酒店，祈福渡假屋是祈福新邨內一些出租服務式單位(Service Apartment)或是祈福新邨內的業主出租自己的單位(別墅或公寓單位)作渡假屋，經祈福物業管理公司或一些私營的祈福渡假屋公司可預訂這些渡假屋。

香港搭直通巴士到祈福新邨，行過隔離就係，兼有大型會所果間係「祈福酒店」(酒店在祈福新邨巴士總站斜對面）。由「祈福酒店」去睇大馬戲搭的士比較方便，車程約１０分鐘，車費約人民幣３０元（要講價）。

長隆酒店往大馬戲最近，不須搭車，步行可達。但酒店附近沒有其他食肆或購物地方（酒店內的餐廳及店舖除外），要shopping及食平靚正嘅野均要搭車。

住「祈福酒店」食及交通較方便。祈福酒店後面有條祈福食街，內有十多間售賣中國不同地方食物的食肆，選擇較多、價錢合理。（很多住長隆酒店的人都會搭車往祈福食街食野) 酒店隔離也有屋苑的購物商場，有各式店舖及超級市場等。另外，住「祈福酒店」可使用會所設施。

如果只去睇大馬戲一個長隆景點，住「祈福酒店」會比較方便。如去埋其他長隆景點如野生動物園、歡樂世界、鱷魚公園等，則住長隆酒店較好，有穿梳巴士往來各長隆景點。

👍 0 👎 0