✔ 最佳答案
你自己一個去的意思是否指完全自己去,沒有跟旅行團呀?
如果係的話,咁你要知清楚飛機起飛的時間,通常穩陣起見會預早個半至兩個鐘去機場,去到之後就去你將乘搭航班的航空公司Check in,Check in 時可以將行李寄艙,你喜歡的話可以自己拎上機。
記住如果有利器,例如指甲鉗、萬用刀、剪刀等,必須要寄艙,否則會被人沒收。仲有,而家機場規定要用透明袋裝住支裝的液體供機場人員檢查,同埋限制了盛載器皿的容量,所以,最好就將所有洗頭水、化粧水等東西寄艙,否則就要用細細個樽裝起來。
Check in 之後就要過海關,然後就入到機場禁區,即係只有持有登機証的人才可進入的地方,如果有時間剩可以逛下,食下o野都得,但係記住要准時到指定的閘口登機。
出門一定要帶戶照、身份證、適量金錢啦,最好先了解下由機場去你抵步後第一個目的地(如酒店)的路線和須乘車輛。
祝你旅途愉快!
最後,你有沒有買旅遊保險呢,如果買左就安樂o的啦!