曼谷既 suan lum night bazzer 仲係唔係到呀

果到絕對未拆架，因為我07年個聖誕節先去完黎，我會幾建議去果到買野，因為所有野無論手信，香薰用品，T-SHRIT，拖鞋，波衫波褲，家居擺設，總知就應有盡有啦，行到累又有酒吧、COFFEE SHOP等地方比你休息下，謹記，如果唔係跟團唔趕時間的話，記得記得要講價呀，佢地開價會好高，最後係咪以最低的價錢買到心頭好就要睇你講價功力了，順帶一提，果到有好多冒牌手袋及旅行0急的，唔好買錯野呀﹗如果鍾意食生果的話過條馬路就買到，果到有好多檔連住賣水果，實有樣岩你。
我會建議你去呢個NIGHT BAZZER多過"翟道翟"，因為翟道翟係一個只會周日先開的檔(唔太SURE星期六開唔開的)，雖然翟道翟有好多檔口，而且價錢好平，但係我唔多推介你去，因為果到係一個用鐵皮搭出黎的，所以有太陽曬落黎時會好熱，你冬天去會好D，夏天去會熱到唔想行，加上果到賣D野未必岩你，因為佢係賣D二手衫二牛仔褲(LEIVS)，但係D牛仔褲會係港紙一佰多D就有交易，係真係假的自己諗啦﹗同埋果D其實係FOR泰國人自己去消費的，所以質素一定冇NIGHT BAZZER咁好。
不過以上純粹係我個人意見，如果你未去過又有空閒的話，去見識下都無壞的﹗

本來呢個 ＳUAN ＬUM ＮＩＧＨＴ ＢＡＺＺＡＲ 真係諗住摺埋㗎！但係最後都冇咁做到。佢宜家都仲喺度㗎！

不過，我想俾個意見你。其實呢個 ＮＩＧＨＴ ＢＡＺＺＡＲ啲嘢都唔算平，啲嘢其實同出面旅遊點賣嘅差不多咋。如果你真係想買啲平同多款式嘅嘢，你可以去 ＣＨUTUCＨUK 行。啲嘢好多，如果你真係俾心機搵，係一定搵到合心水嘅嘢㗎！

不過就行得辛苦啲囉，始終都好熱，好擠迫吓！所以你可以諗下㗎！