✔ 最佳答案
你要考慮o既因素我覺得問題唔大。
1,他因為之前借了銀行的裝修費16萬,現在要分期還,大約還3年
分期還錢其實唔係你諗得咁恐怖，我自己之前都試過問銀行借錢還卡數，都用左一年時間，不過呢層你唔洗擔心咁多，因為借錢之前每個月還錢o既金額係自己決定架，我借o個陣覺得每個月還呢個數冇問題先借o既，所以佢分三年還，其實佢借之前就已經諗好左，覺得自己可以還得到個數先借架，如果佢覺得唔得，佢分五年都可以啦，佢借咁多，但係分得三年，咁就證明左係佢能力之內，又想早o的還清o的數啦。
(我男朋友同佢一樣而家都還緊錢，但係都冇影響我地平時去街o既心情同節目，所以我覺得呢層唔洗擔心，男人做事有佢地o既方法ma)
2,他現在除了供自己層樓之外,還要供他媽咪住的那層,但只是俾少少，因為有幾其兄弟姐妹一齊供,但還要俾少少家用
你都識講佢有兄弟姊妹一齊供，咁其實佢比唔比錢屋企都得個喎，但係佢仲比錢屋企人，呢o的係責任o既表現，咁樣o既男人而家好少有架啦，你諗下第時你地結左婚，佢都會照顧佢屋企人咁照顧你喎~
3,加加埋埋他平時的開支,他很吃力,如果我跟他一起,起碼要等3年先可以安稳,如果我現在跟他一齊,平時拍拖行街睇戲食飯,可能都要就住就住。
我個人覺得兩個人拍拖唔係要每一餐都要皇帝式享受，我自己好鍾意同男朋友食茶餐廳，因為一杯野飲都可以坐耐o的見耐o的，間唔中玩下煮飯仔，又可以增加情趣，食野o個方面，平有平食，貴有貴食姐。你話平時玩樂方面，你去o的主題公園都唔會個個禮拜去啦，你話想一齊去旅行，咪淡季去o的平o的o既短線團囉，唔洗同人逼tim，平時去街，你都唔會日日買衫架，其實兩個人拍拖o個陣，唔係你諗得咁多洗費，行街唔一定要買野架ma，睇戲都唔會套套戲啱你睇啦，係咪？
就甘睇好似無咩野,但現實很難講,唔可以有情飲水飽,到時可能會因為甘樣而吵架,而唔開心,而令自己傷心等等,如果我同左佢一齊先甘樣,我都會跟他一起涯,但現在因為我還未接受佢,有得選擇的情況下,我可以唔接受,但又考慮到他那些好的方面,所以我很矛盾呀。冇朋友同我講,叫我拍住先,但係...唔知呀,有時候我真的不想浪費時間,到時是但一仿受到傷害我都唔想。我知道唔試都唔知係點,但最起碼而家要想清楚是不是值得一試。你地覺得點呀？
我覺得你要諗o既就係你究竟鍾唔鍾意佢，有情唔一定飲水飽，但係拍拖會鬧交o既情況唔一定係錢o既問題，好多事鬧交都係兩個人性格上o既不合，所以我就覺得只要你鍾意佢就可以一齊架啦，如果你係唔鍾意佢，一齊係為左佢好o既方面，咁就唔好累已累人，你同個唔鍾意o既人一齊，就算結左婚你都唔會開心。
如果你純粹為左佢個人係好同佢錢o既方面先同佢一齊，咁你不如等佢還晒o的債，供完層樓之後仲追你先同佢一齊囉，如果唔係o既話，你就快o的諗清楚自己係咪真係鍾意呢個人，無論當中辛苦與否都想同佢一齊，決定權係你手架﹗知ma？
